هلا بالغالي ... حياك الله
وتفضل الرد على أستفساراتك :

• أحسب حسابك ( 500 ريال ) مصروف يومي ... يعني 6500 ريال لمدة ( 13 يوم ) كافية بأذن الله
• الأفضل تحول من هنا ( 6000 ريال إلى رنقت ) وخذها معك كاش .. وخل أحتياط في البطاقة
• الوضع آمن في ماليزيا ... مافي حوادث سرقة ولانشل بأذن الله ... أهم شيء تكون حذر طبعا
• ماعندك مشكلة في زيارة أي دولة ... عادي

انا وزوجتي مسافرين بتاريخ 16/10/1434 هجري وحجزت تداكر وفنادق وديران داخلي واموري تمام بس باقي عندي استفسارات بسيطه :موفق يارب وتوصل بالسلامه
1/ كم مبلغ يعتبر كافي من غير حجوزات الفنادق والطيران الداخلي هناك وكم اخد معي اللي يكفي لمده 13 يوم صافيه ؟
يعتمد ع الشخص لكن ان شاء الله 500 تكفي باليوم على كلام الكل
2/ هل احول المبالغ من السعوديه واروح فيها هناك واشيلها معي . وهل فيها مشكله علي هناك ادا حملتها معي بشنطه ؟
الافضل تحويل 5000 ريال وتقسيمها بينك وبين زوجتك
3/ انا سافرت قبل شهرين لدوله افريقيه هل فيها مشكله علي ؟
ان شاء الله ماعليك شي
وبخصوص السرقات نقول ان شاء الله مافي شي
وبيفدوك اكثر الاعضاء

أحسنت يامحمد على الأجابات الراقية الوافية
وأنصحك أخوي ( كريم ) يعتمد كلامك ... ويكنسل كلامي

وافي بزمن جافي
لا ولو انت الكل ببالكل يااحلى وافي وتراني ماقد طبيت ماليزيا بس معك ومتابعتكم كاني رحتها كثير

مثل ما تفضل به حبيبنا الوافي بخصوص السرقات عليك تكون حذر وحريص
فالسرقات موجوده بكل مكان بالعالم ...
انتبه اذا احد جاك يتكلم معك ويحاول يتعرف عليك او يطلب منك فلوس : لا تعطيه وجه ، وابعد عنه.
وانتبه من القطارات وزحمتها ... والباصات العامه المزحومه .... البعض يستغلها فرصه ويسرق.
وانتبه تنسى اغراضك في المطعم او غيره ... لانها ممكن ما راح تشوفها مره ثانيه.
واذا ركبت التاكسي خذ كرته على طول بحجة انك تبغى تتصل عليه مره ثانيه ... لانه ممكن تنسى شي بالتاكسي ويكون وقتها رقمه معك .
وطبعا لا تنسى الاذكار والادعيه ..

رحم الله والديكم وشاكر لكم ع النصائح صراحه ماقصرتوا وجزاكم الله خير .......

تسلم ياغالينا .. والشكر موصول لأعضائنا الأبطال