وعليكم السلام
اخوي الفنادق تقريبا كلها نفس الشي كلها جزر وبحريعني راح تتسبح وحرام اذا رايح وانت ماتعرف تتسبح ههه
واللي يفرق بكل فندق انه يعطيك مسبح خاص ولا جاكوزي او مع الافطار والغدا والعشا او مع كافه الانشطه
وكل مازاد شي زاد سعره بالليله وانت تختار شنو تبي
اهم شي بصراحه انك تاخذ الفندق يكون قريب من المطار علشان ماتركب طياره وتدفع فلوس تقريبا 330 دولار للشخص رايح وجاي
والشي الثاني يكون الفندق شامل الفطور والغدا والعشا يعني فول بورد

انا سكنت بالفيلامندو اربع نجوم بس يستاهل خمسه مع فله شاطئيه بجاكوزي تقريبا الليله ب 350 شامله كافه الخدمات بس عيبه انه بعيد من المطار ولازم تركب طياره بحريه علشان يوصلك للجزيره بتذكره 330 دولار للشخص الواحد

مشكور ياخي سعد بس تأجير الجت والبرشوت والغوص موجود بكل الجزر ؟

سؤال مهم بصراحه الفندق اللي انا فيه مافيه لا جت ولا براشوت
في فنادق تحط الجت والبرشوت وفي فنادق ماتقدر تحط لخطورته على الناس وصوت ازعاج
علي حسب سياسه الفندق

انا سكنت في فندق الكونستانس هالافيلي
حقيقة وبدون مجاملة الفندق رائع جدا جدا وكل مقومات النجاح موجودة فيه
نظافة + تعامل + اخلاق + 3 مطاعم مختلفة + بار عالمسبح تطلب فيه وجبات خفيفة وعصيرات وايسكريمات +
محل تستأجر فيه جميع أدوات الغوص مجانا + تستأجر قارب البنانا وقارب البسكوليت مجانا +
نشاطات بحرية مدفوعة مثل الجتسكي + ودروس الغوص ورحلات صيد وغوص ..... الخ من الخدمات
أيضا الفلل المائية والشاطئية معها مسبح خاص وجميل جدا
صراحة إمكانيات الفندق جبارة وانصحك فيه بس سعره شوي مرتفع
الليلة تبدأ من 3800 وتصل الى 4500
موفق عزيزي