انا فيه عدة شغلات عجبتني في بوكيت وحبيت اذكر لكم اهمها يمكن تستفيدون
انا اقصد المسافرين الجدد ولا اهل الخبره اكيد افهم مني
انا انصح وبشده خصوصا للي حجز فندق في كارونا بيتش او كاتا بيتش انه يستأجر دباب ويفك عمره من مصاريف التكاسي
لأن اصغر مشوار راح ياخذون عليه 200 بات يعني لو فرضنا بتروح مطعم وبترجع 400 بات وهكذا بكل مشوار
بينما لو استأجرت دباب بيطلع عليك تقريبا 480 بات وانت وشطارتك بالمكاسر طبعا ايجار 24 ساعه وروح وين ماتبي بالجزيره الله يسهل لك
على فكره قيادته سهله وفيه نوع اوتوماتيك يعني بنزين وبرك وكان الله غفورا رحيما بس خذ متعه وحريه ووناسه ونصيحه كارونا بيتش كثير اروق واهدا ولمحبي الباتونغ بيتش
لا تشيلون هم بالدباب حقك توصله في 5 دقايق خصوصا اذا سكنك في الموفنبيك ولا اولد بوكيت او غيرها من الفنادق
الشغله الثانيه اللي عجبتني هي مطعم خطير خطير خطير خطير خطير ...... الى ماله نهايه
يقع في الكاتا بيتش اسمه ديمو بارك خصوصا لمحبي السي فود
عباره عن غابه وشجر وفيها مجسمات ديناصورات وبركان ومؤثرات ضباب ونار واصوات شي شي شي
ولا يفوتكم صحن اللابوستر مع الجبن وكوكتيل الروبيان وتراه رخيص مو مثل عندنا
هذي ملاحظات بسيطه عجبتني في بوكيت وحبيت اقولها لكم واتمنى ما ازعجتكم