نشر في اسطنبول

نصيحتكم في عرض هذا المكتب

ابو ريان32

10-10-2022 - 04:35 am

السلام عليكم ورحمه الله
اخواني ابغى مساعدتكم وخصوصا الخبراء في تركيا
انا اول مره اسافر وحجزنا عن طريق مكتب قال لنا الرحله تكلف 6 الاف للشخص الواحد شامل السكن مع الأفطار واعطانا 4 عروض وقال اختارو وحده هديه من المكتب والعروض هي:
1- رحله بورصه 75 يورو + غداء مع التنقلات للفرد
2- رحله مركب البسفور + غداء 66 يورو للفرد
3- رحله استنبول المتاحف + غداء 88 يورو للفرد
4- رحله جزيره الميرات + غداء 66 يورو للفرد
طبعا احنا نختار عرض واحد والباقي اذا نبغاها ندفع فلوس زياده بنفس السعر المكتوب اعلى
يعني التنقلات مو عليهم ولا الرحلات
هل الأسعار مبالغ فيها او عادي ؟
اش الأرخص ناخذ برنامجهم او احنا نأمن المواصلات وتذاكر البرامج ؟ عندكم طريقه افضل ؟ نبغى نصائحكم
مع العلم احنا شخصين انا وزوجتي وممكن يكون معانا اربعه اشخاص
عدد الأيام عشره ايام
ارجو الرد سريعا قبل بكره
انا متوتر وخايف

التعليقات (8)

ابوعاصم س

10-10-2022 - 07:27 am

اجمع الفلوس كلها وحطها بسيارة خاصة ويكون السواق مرشد وسواق ومترجم وارخص لك اما السعار مبالغ فيها شويه خصوصا الأكل مو اللي في بالك

الهوى تركي

10-10-2022 - 08:28 am

أخوي والله الأسعار مبالغ فيها جداً جداً
تقدر تقوم بزيارة جميع هذه المعالم بنفسك ولا تكلفك 25% من التكلفة المذكورة
على سبيل المثال جولة في البسفور لمدة ساعتين تقريباً لشخصين تكلفك تقريباً 16 ليرة = 38 ريال وانته بتدفع 716 ريال وبخصوص الغداء تقدر تتغدى في اي مكان يعجبك !!!!!!!!!!!!
وتقبل تحياتي

تأبط حباً

10-10-2022 - 09:29 am

فيه عروض من الاردن ب 2500 ريال خمس أيام بأربع ليالي طيران عمان اسطنبول عمان مع الأفطار فيه جدول كامل 6000 ريال على ايش احتمال اروح أنا فيها الاسبوع القادم

الطيار2323

10-10-2022 - 10:30 am

اخوي السعر غالي ،،، شوفلك مكتب ثاني

LoveNight

10-10-2022 - 11:31 am

الا وشوله مكتب من الاساس ,, فيه اشياء نقدر نساعدك فيها مثل السكن بسعر مناسب وبقيه الاشياء انت تتفق مع سواقين وسيارات ونعطيك ارقام وهم يودونك لكل مكان وخلاص .. مايحتاج كل هالتكاليف
بس مشاركاتك قليله مقدر ارسلك الارقام ولا كان ماقصرت معك

ابو ريان32

10-10-2022 - 12:32 pm

اشكركم اخواني على تفاعلكم
طيب انا دفعت عربون 5 الاف للمكتب ويقول ماترجع نهائي ولايتغير العرض لأنه حجز فيها تذاكر طيران لأستنبول مباشر على الخطوط التركيه رحلتنا من 20 شعبان وحجز فيها فنادق في استنبول وبورصه وفي البرنامج مدينة يلوا اش نسوي؟
ابوعاصم س
كم عدد المشاركات حتى نقدر نتراسل
ممكن تعطيني الأرقام والطريقه؟
واذا ممكن اي واحد عنده برنامج واسعار ارخص يعطينا اياها

LoveNight

10-10-2022 - 02:34 pm

خلاص خل العربون بس للتذاكر مستحيل 5 الاف بيسوي فيها كل شي
المشاركات لازم توصل 50 او تروح قسم الشكاوي والاقتراحات وتطلب منهم يرسلون لي ايميلك على الخاص وارسلك كل شي على الايميل
المكاتب يبالغون جدا بالاسعار انتبه منهم ومافيه شي مايرجع خل العربون للتذاكر

عاشق نجـد

10-10-2022 - 03:35 pm

اخوي ابو ريان 32
سفرك في 20 شعبان ، يعني باقي اسبوعين .
أول حاجة خلي المكتب لحجز التذاكر والسكن فقط . واترك عنك الرحلات اللي انت حاط اسعارها لانها غالية مرة .
خلال الاسبوعين هذي وهي مدة طويلة ، تحتاج بس 4-5 ايام ، خليك فيها في قسم التقارير في البوابة التركية . راح تلاقي فيها كل شي ، وكل معلومة تبيها ، من طرق المواصلات بالخرائط ، وطرق زيارة جزر الاميرات ورحلات البسفور وزيارة بوصة ، بالوصف الدقيق . وبتشوف تجارب الاخوان في سفراتهم وفيها سلبيات وايجابيات ، وكثير من الأمور .
اضمن لك بعدها تحس كأنك سافرت تركيا أكثر من مرة .
اكلمك عن نفسي ، سفري بعد يومين ، واول مره اروح تركيا ، لكن من قراءة التقارير في المنتدى ومشاركة الاخوان ، حاس أني اعرف كل شي وكاني سافرت تركيا اكثر من مرة .
تحياتي .

اسطنبول المسافرون العرب

نصيحتكم في عرض هذا المكتب