نايف
12-08-2022 - 10:21 am
السلام عليكم ياحلوين
بصراحه مدري وش اقولكم
بس اللي فكّر انه يتغدى او يتعشى بمطعم ( سبازيو ) اللي في برج المملكة الدور 77 رجاءً يشيل الفكره من راسه
مطعم خياس (اللهم لك الحمد) على النعمه
اطباق ماتستاهل ربع السعر اللي مسجله عليها
الاكل كوكتيل مكسيكي وايطالي وياباني
بس عجزت القى طبق يفتح النفس ياربي لك الحمد والشكر على النعمه
رحت له انا وزوجتي بمناسبة مرور سنة على زواجنا
سكنت الفندق بالدور 38 وحجزت عند سبازيو ( ولازم حجز هو ووجيهم بعد )
يوم رحت له بالليل مالقيت احد الا انا وزوجتي بس ( هذي احسن ميزه فيه ذاك اليوم)
واخذت المنيو انا وزوجتي
وطلبنا
بس ياربي لك الحمد يوم جاء الاكل الطعم سيء ... الله يديم النعمه
الشخص الواحد ب 200 ريال من طلب المنيو ...
لو كان بوفيه مفتوح على سمعته كان معليش ويستاهل القيمة
اما حاطين لي منيو واسعار خيالية وطعم سيء ياربي لك الحمد
هذي اللي ماتنبلع
المهم لاحد يروح له
0ريال ادفع نصها بوفيه مفتوح شخصين بافخم مطاعم الرياض
تحياتي لكم كلكم
اذا كملتو السنه الثانيه ودها للمطعم البرازيلي الي بالفيصليه
بصراحه خيالي
ونفس الشي الشخص 200 انا عزمت صحباتي وتوهقت
بس من جد روعه قليله عليه
طريقتهم غريبه اولن بوفيه سلطه بعدها يقدم لكم جميع انواع اللحوم ويقطع لكم
دور غزال دور حاشي دور خاروف دور لحمام دور لنعام دور لسمان دور بقر
لدرجة اننا كنسلنا بعض اللحوم من الشبعه