والله فعلاً المواصلات مشكله
لكن أفضل حل واللي معظم السياح يستخدمونه هو تتعامل مع سواق ياخذك ويرجعك وتتحاسب معاه باليومي أو تتفق معه على سعر يومي ثابت
والحمد لله على السلامة ..

والله صدقت ياخوي
نحنا قبل كنا ننزل سيارتنا من الامارات بس يذبحونا بالمخالفات والغرامات ومارجع السياره الا وهي متكسره!!
والسنه قررو الاهل انهم ما ايبون سياره ,,, بس ذلونا التكاسي ذل وتعاملهم زفت ما ادري شو فيهم السنه
من يومين صار لنا موقف مع صاحب تكسي ,,
هو كان كبير بالسن وركبنا معاه وقلنا له نبغي المكان الفلاني ومايدله مشى شوي فقال انا دلوئتي اعتبر مخالف لاني مركب 5 اشخاص والغرامه 500 ,,
فقلنا شوالمطلوب منا؟؟ قال تدفعون لي 500 حق الغرامه و50 ثمن توصيلكم لانكم 5 اشخاص!!!!!!
قلنا له نزلنا وهو اصلان ما مشى بالسياره ,,
نزلنا وعلى طول ركبنا تكسي ثاني فنزل صاحب التكسي يصارخ علينا في الشارع فقامت اختي وعطته 3 جنيها قو بو 50 قرش,,,
والله ماخلانا نمشي قام يوقف الناس ويقولهم موصل 5 بنات ومديني50 قرش وانتو فاكرين ان اللي في العربيه مش بنزين داه ميه,,,,
فتضارب مع خواتي وعطوه 20 جنيه مع انه مول ما مشى غير انه لف بس,,, وحضرت راعي التكسي الثاني شاهد الموضوع وقام يسألنا في السياره اسئله غريبه!!! ويوم وصلنا وكنا بنعطيه 20 جنيه فقال لا اناعاوز 50 جنيه فقلت له انته شوفرقت عن اللي قبلك غير انه هذاك فضحنا في الشارع وانته تستهبل علينا وعطيناه 40 جنيه
ونحنا راكبين التكسي من المهندسين شارع شهاب ورايحين ابراج النيل ستي يعني المشوار مايكلف 10 جنيه ونحنا من خاطرنا ندفع 20... صدق بعض السواقين ابد ما يعرفون يتعاملون مع الناس
بس ان شاء الله المره اليايه ماني مصر الا وسيارتنا معانا

انا عجبني تاكسي العااصمه
ومستحيل أغيره
رجبو نصيحة
والتكاسي العاديه خلاص راحت عليها وان شاء الله يشيلونها كلها بعد مانبيهم

السلام عليكم
المفروض ياخواني انكم تتفقوا مع صاحب التاكسي قبل لا تركبو معاه
وان تكون معاكم فكة جنيهات عشان لا يقعد يتفلت عليكم مثل هالشايب الله لا يوفقه
هذي نصيحتي لكم لان مالهم امان هالنوعيه وصرت اعرف اتعامل معاهم زين
بالنسبة لتاكسي العاصمة افضل لكن ياختي كويتيه وين تلاقيه بهالصيف
مافي الا كم سياره منه والعالم كلها تتصل وتحجز
يعني بضيع يومي كله عشان انتظر حضرته يشرف
اتمنى تكونو حذرين بالمرات القادمه
تحياتي

المواطن والزائر يكرهوا التاكسي على حد سواء
ولكن الآن الحلول موجودة .. وطالما أنها موجودة فالذي يُلام هو من لا يأخذ بهذه الحلول
الحل الأول : وضعنا موضوع به أرقام سائقين .. اتصل بأحدهم وسيكون معك طوال الرحلة بأجر يومي تتفقوا عليه
الحل الثاني : عملت موضوع كبير عن تاكسي العاصمة .. أو كايرو كاب .. وهي تاكسيات جديدة مكيفة ونظيفة وراقية جداً .. الحساب يكون بالعداد .. والسائق محترم
هذين حلين عليكم الأخذ بهما ... ومن يتركهما فهو الغلطان أكيد
وهذا موضوعي عن تاكسي العاصمة : https://artravelers.com/p/re/56646

بندر الخالد
هلا اخوي بندر
صح كلامك لازم نتفق معهم ,,, بس بصراحه هالتكاسي العاديه اغلبهم جي وتعاملهم مب محترم مع الناس واصبح ناادر ماتلقى تكسي نظيف والسواق اوكي.,, والله ان وحده من خواتي حلفت ما تركب تكسي في مصر من المواقف اللي تعرضنا لها
والقاهره المفروض يزيدون من شركات التكاسي علشان السياح..
وبصراحه نحنا عائله كبيره وبس طلعاتنا مب وايد ومب متفق عليها من قبل علشان نحنا نقعد شهرين في مصر بسنحتاج لسواق حق ابوي اذا كان بيروح مزرعته على طريق الاسكندريه...اول ما وصلنا اجرنا مكروباص مع السوااق لمدة 15 يوم بس بالزور خلووه ب 5000 جنيه والشهر يبونه ب10000 الاف بصراحه وايد غالي ويومياً نصب بنزين على حسابنا والله وايد مكلف ..

مشكور على النصيحه
و سياره معك طول اليوم افضل

اختي بنت زايد ان شاء الله المره الجايه تجو بموتركم
لان المبالغ هذي كبيره وماتستاهل الصراحه
اقترح عليكي انكم تجو بسيارتكم وتشوفوا سواق مصري عشان يدل الطريق ويريحكم من هم االطريق
وتتفقوا معاه ع مبلغ معقول
وتقعدوا معززين مكرمين بدل البهذله اللي صارت لكم
الواحد يجي مصر عشان يرتاح ويغير جو ويستانس
ان شاء الله الايام الجايه تكون احسن من اللي راحت
بالتوفيق اختي

أنا توني جاية من مصر
بصراحة الوضع في التكاسي هذا العام مختلف تماما عن الأعوام السابقة خليها على الله ..
طلعوا لنا بسالفة ممنوع خمسة راكب ويقول لك ممنوع بس لما تزيد السعر خمسة جنيه يقول اوكيه
بس والله التكاسي ما قدرت علي لأني اعرف المسافة واحدد السعر المناسب بما يرضي الله وان زدت حمسة جنيه مو أكثر ..
كونوا شديدين
لما توقفوا تاكسي قولوا المنطقة الفلانية بالسعر الفلاني لازيادة ولانقصان راح يقول لك كيري ميري خليك ثابت على كلامك ، أهم شي تكون عارف ان المسافة تستاهل السعر ..
أيضا حاول تاخذ تاكسي لما تكون في مجمع يكون منزل زباين خاصة في هيلتون رمسيس لأنه راح يرجع فاضي ..