السلام عليكم ورحمة الله وبركاته
اخواني واخواتي اكتب لكم من اجل تاخذون الحذر والحرص ليس الا
انا من الاعضاء المنتمين لشركة بوكنج للحجوزات وهي شركة معروفة ودائم احجز عن طريقها للسفر
المشكلة ليست بالشركة ولكن بالفنادق المسجلة لديها ..للأسف بعض الفنادق تستغل المسافر دون علم الشركة ..سأوضح مشكلتي
قررت هذه السنة ان العيد يكون بجدة وبحثت في البوكنج ووقع اختياري على فندق ايلاف جدة وهذا رابط الفندق
وسبب اختياري هو قربه من مول ردسي ما اراح اضطر للتنقل بسيارة للمولات لاني مسافرة مع ابني المراهق وبنتين تحت 13 سنة
حجزت يوم الوصول لديهم 14 اغسطس اي السبت ثالث العيد ويوم المغادرة 17 اغسطس ( اقامة 3 ايام )
قمت بعملية الحجز في يوم 4 اغسطس من هذا الشهر الموافق 26 رمضان
وفي نفس اليوم وجدت فندق ارخص وافضل فحجزت لديهم والغيت الحجز
لكني تفاجأت انه بعد الغائي الحجز مباشرة جاأتني رسالة على الجوال تفيد انه تم خصم كامل المبلغ وهو 5400 ريال من الفيزا ؟؟!!!
والله استغربت مع ان الموقع يقول الحجز والألغاء مجاني والدفع عند الوصول قبل يوم واحد من تاريخ الوصول ؟؟؟؟!!!! تستطيعون الدخول على رابط الفندق وشوفوا بنفسكم
طبعا ما سكت راسلت البوكنج واتصلت عليهم وطبعا هم اتصلوا على الفندق وانا انتظر على الخط رجعت لي الموظفة وقالت ان الفندق يقول لم يخصم ولكن هذا فقط امر حجز ( بلوك ) وانهم لم يصلهم قرار الألغاء والشركة اعلمتهم وخلاص
رجعت اتأكد من الحساب البنكي ووجدت انهم بالفعل خصموا المبلغ والرصيد المتبقي كذا وكذا ..
رجعت كلمت الفندق بنفسي وتحدثت مع السوبر فايزر ايمان بالبداية قالت لي : لا ما خصمنا شي ..هاي فقط بلوك
قلت لها : بل خصم واقدر آخذ برنت وارسله على الشركة وعليكم ..تخيلوا ؟ على طول غيرت ردها بالتالي : ايه هاي خصم لان كتير زباين يحجزوا ويعطوا ارقام خطأ منشان هيك تم الخصم وراح نرجعه بعد 14 يوم ..والله استغربت قلت ليه تخصمون وانتوا كاتبين بالموقع ان الدفع عند الوصول وان الألغاء مجاني ؟؟
كلمت البوكنج مرة ثانية وكلموهم وقالوا لي هم يقولون ان هذا بسبب البنك ياخذ وقت 14 يوم حتى ترجع الفلوس بالحساب !!!!!
الحين طبعا جلست بدون رصيد وماادري كيف اتصرف بالعيد ؟؟
لان الميزانية كذا نقصت وماراح اقدر ادفع لفندق ثاني مع مصاريف الرحلة
ايش رايكم مو قهر ؟؟؟ وبعدين ايش يضمني انهم راح يرجعون الفلوس ؟؟؟وليه من الاصل يخصمون ؟؟
هل اقدم شكوى لشركة البوكنج او حماية المستهلك ؟؟
وشكرا انتظر ردودكم بفارغ الصبر
ملاحظة: كنت حاطة رابط الفندق بس لان مشاركاتي قليلة لا استطيع ارفاق الرابط تستطيعون الدخول على قوقل اكتبوا : فندق ردسي مول جدة وهو ياخذكم لمو قع البوكنج اللي فيه الفندق