- السلام عليكم ورحمه الله وبركاته
السلام عليكم ورحمه الله وبركاته
الف شكر لجميع اعضاء البوابة ولكم دعوه في ظهر الغيب اسال الله ان يسهل امركم دنيا واخره .. انا الان في جاكرتا مافي وقت انزل تقرير ولكن راح اكتب بعض الملاحظات والنصائح من القلب .
- توكل على الله سبحانه وتعالى في كل امر وادعي الله التوفيق وخذ بالاسباب والاتشيل هم ابدا .
- لاتتشائم من تجربه شاذه يعني واحد سافر وانسرق يبدا الخوف .. سالت نفسك ليه ؟ وهل الانسان معصوم ؟ وهل تجربه واحده تعمم على بلد ؟
- التخطيط السليم اساس لكل شي .. بعض الناس للاسف قبل السفر بيوم الحقوني اسعفوني مافي حجز مافي مافي .
- بالنسبة للعوائل احجز امورك من بلدك وخصوصا السكن ولو للايام الاولى لاتقول عندي صاحب ثقه وعندي وعندي نصيحه مجرب لو شباب معلش لكن عائله اسمحولي طيران 10 ساعات وفيزا وجوازات وتعب ضروري تجي وبيتك جاهز والحجز يكون قبل الرحلة على الاقل شهر او شهرين
- الشعب الاندونيسي من اطيب الشعوب وسبحان الله الابتسامه ماتفارق وجههم .. ولكن انتبه تستحقرهم او تتعالا عليهم ترا فيهم احم مو طبيعي .. مافي انسان يرضى بالذل " عامل الناس كما تحب ان يعاملولك "
- اندونيسا او اي بلد يوجد بها رب رحيم شديد العقاب ... للاسف في مسافرين اذا سافر على باله مافي حساب او رب رقيب .. ياخي حتى لو ماتخاف من ربك احترم الناس واستتر .. للاسف اشوف مناظر وبصراحه قليلة من البعض كلام بصوت عالي وفي وضع مزري ... نسال الله الهداية والصلاح لنا وللجميع
- اذا جيت تحاسب شخص مو تطلع شنطه مليانه فلوس وتجلس تعد فلوسك قدامهم وبعدين تقول انسرقت .. شفت مناظر من الاخوان وانا ادري انها من حسن نية اللي يعد فلوسه واللي يسولف يقول ياخي فلوسهم كثيرة ومسوي بطل ويعد قدام الناس .. تخيل انت ماعندك ولاشي وواحد قدامك يعد في ربط فلوس ويضحك اش رده فعلك؟؟ مابالك لو كان مايخاف الله .. والله اغلب السرقات من اخطاء زي كذا .
- الصرف في بلدك غالبا افضل في الجبل الريال افضل خصوصا في شارع العرب - توقو ساري - كاها صرفه غالبا الافضل - ولما سالت ليه شارع العرب الصرف عالي للريال وخصوصا في الصيف اخبروني لانه الريال مرغوب على اساس العمره والحج والخ لانه جربت اصرف في تشيبناس الصرف 2230 وفي توقو ساري 2255 .
- في مكان في الجبل. في شنجور بحيره اسمها شي انجور نصيحه لاتطبها بصراحه شي مقزز وندمت انه رحت شفتها - عموما وجهة نظر يمكن احد يحب يشوف بحيره وقوراب مكسرة وحركات الله اعلم -
- بالنسبة للسائقين ياما عانيت منهم وراح اعطيكم نصائحي بدون ماذكر قصصي معاهم :
- سعر السائق في الجبل 450 - 500 الف وكل شي عليه لايسويلك فلم ويقولك الاسعار ومنظمة التجاره ومواقف وافلام خصوصا لو حبيت تروح باندونق مثلا ممكن يقولك في ضرائب ومادري ايه رسوم الطريق كلها 5000 ربية يعني ولاشي
- الاتفاق اساس كل شي مو تقوله خلاص بسم الله ولايهمك لاحبيبي قوله اتفاقي باليومية اروح مكان مابغى لانه للاسف اذا بعد المشوار يطلعون على حقيقتهم .
- اول ماتتفق مع سائق خذ رقم اللوحة مهم - وفي كل يوك نزل كل اغراضك مو تقول لالا يجي بكره صدقني حصلت انه فجاة يختفي
- السائقين او الخدامات لاتعاملهم بطيبه مبالغه كانه صاحبك ومن اول يوم بخشيش وهدايا حلوة المعامله بطيبة وحدود لانه ماينعطون وجه خليك رسمي معاهم في امور الاتفاق .. انا ضد هدية وبخشيش .. خليها اخر يوم اعطيهم صدقه لوجه الله بلاش كلمة بخشيش
- اتمنى من الادارة ان تسمح لنا بوضع ارقام واسماء السائقين وتجاربنا لانه عندي سواقين واحد ابن حلال ومافي منه وواحد اكلت منه مقالب ونفسي احط رقمه وصورته ومكتبه على اساس اللي يتعامل معاه يعرف عيوبه ويحذر
اسف لو طولت عليكم او كان موضوعي مو مرتب تحياتي
واحفظ الله يحفظك ولابد من مخافت الله في كل امورك