- السلام عليكم ورحمة الله وبركاتة
- مطعم و مقهي بايت رايت
السلام عليكم ورحمة الله وبركاتة
مع كثرة مطاعم الوجبات السريعة والمواد الغذائية اللي تُستخدم فيها المواد الحافظة والهرمونات المضرة لاجسامنا، حسيت انه صار الوقت لاعتماد اغذية عضوية أكثر في حياتي اليومية عشان صحتي.
و لهالسبب في الفترة الماضية دورت على مطاعم ومقاهي تعتمد على مواد غذائية عضوية في اطباقها.. ومن زيارتي لأحد المطاعم البارحة خطر فبالي ان هالموضوع ممكن يهمكم أخواني، فحبيت اني اشارككم بعض المطاعم والاماكن اللي تقدرون تشترون منها الاطعمة الخالية من المواد الاضافية (الأغذية العضوية) في
https://artravelers.com/s/311">
https://artravelers.com/s/311
ان شاء الله تستفيدون منها لحياة أكثر صحة.
نبدأ بمطعم
Eat Smart
لأصحاب الريجيم واللي يدورون على الاكل الصحي انصحهم بهالمطعم
اللي تقدرون تستانسون فيه باشهى الاطباق الصحية والوجبات الخفيفة، والعصائر
المحضرة من منتجات طبيعية خالية من المواد الكيماوية. وهالشي اعتقد كلنا ندور عليه.
وبعد تقدرون تشترون المنتجات الخالية من الغلوتين من المتجر للي عندهم حساسية وهذا شي مميز بالفعل لأن مش كل المطاعم تراعي هذا الشي.
هاتف : 1933 447 2 971+
المكان: المركزية - شارع المطار القديم
للحجز والاستفسار عن طريق هذه الصفحة http://abudhabi.mimcity.ae/en/eat-smart-abu-dhabi-22669.html#
مطعم نولز
مطعم نولز يقدم لائحة كبيرة من اطباق الفطور، الغداء، العشاء، وعنده قوائم للأطفال بعد. وانصحكم تجربون البيض المقلي عندهم والبانكيك اللي يبين من طعمه انه مصنوع من منتجات طبيعية وطازجة لابعد حدود...
وللي يحب البرغر يجربه عندهم بعد لانه شهي جدا جدا جدا
اذا تحبون تتعرفون على الأطباق اللي يقدمها، هذه صفحة المطعم للطلب او الحجز من هني http://www.noluscafe.com/
هاتف: 9500 557 2 971+
المكان : قرب الراحة مول
مطعم و مقهي بايت رايت
يقدم مطعم ومقهى بايت رايت مجموعة متنوعة من الأطباق الآسيوية والعربية والصينية والمشروبات الصحية ومجموعة مختارة من الحلويات الشهية جدا اللي تحتوي طلبكم اللي تحتاجونه من السعرات الحرارية والقيمة الغذائية لكل وجبة
من الأطباق اللي جربتها وحبيتها هي عجة البيض الهندية اللي تتقدم مع رقائق النخالة طعمها شهي للغاية .واسعار المطعم بالنسبة لي ممتازة، تقدر تطلب وجبة فطور من الخبز والمربى باقل من دراهم.
سواء حبيتو تزورون المطعم للفطور او الغذاء أو العشاء فهالمكان بيعجبكم أكيد هو مقصدكم. والحلو بعد بهالمطعم ديكوره اللي باللون الأخضر اللي يفتح شهيتك للأكل مئة بالمئة.
تقدرون تحجزون أو تطلبون من المطعم من هذه الصفحة http://abudhabi.mimcity.ae/en/the-bite-rite-cafe-and-restaurant-22670.html
هاتف: 1660 641 2 971+
المكان: شارع المرور- مقابل محطة الباصات
هالمطاعم العضوية اللي جربتها واتمنى اللي يعرف مطاعم وجربها يفيدنا بهالموضوع واتركم لكم الساحة عشان تشاركونا بالمطاعم الي تقدم طعام عضوي تحبونه.
أخواني صحتكم مهمة وان شاء الله تدومون بالصحة والعافية
و السلام عليكم
اخوكم مسافر أبو ظبي
https://artravelers.com
