M!Ss T!Na
10-03-2022 - 11:20 pm
)( نصائحكم لأول مره اروح فيها النمسا والمانيا )(
السلام ع ليكم ,,
اخواني واخواتي في الله ,,
بعد كم يوم رايحه فيينا ,,
وأول مره أروح لها ,, أخاف تفوتني الاشياء الحلوه اللي فيها ,, لأن سالفة الاندر جراوند تدوخ ,, مع اني طبعت الخريطه ,,
ياليت تساعدوني وتسوون لي برنامج ,,
فيينا -زيلامسي-ميونخ
ل 13 يوم تقريبا ً ,,
من وين نحجز المدن بعد فيينا ,,؟ وشلون نرجع الدوحه ,,؟ إذا رحنا فيينا -زيلامسي-ميونح ؟
لأن رحلتنا دوحه فيينا وفيينا دوحه ,,
وايش تقترحون علي ,,
" وين القى محلات هدايا وتذكارات للبلد نفسه"
لاتبخلون علي نصائحكم,.
ياليت تساعدوني وتسوون لي برنامج ,,
فيينا -زيلامسي-ميونخ
ل 13 يوم تقريبا ً ,,
اختي بخصوص البرامج عندك المواضيع المثبتة كافية ووافية ولان ذكرها لك راح يطول ويمكن ننسى شي .. فالمواضيع المثبتة فيها الشي الكثير واللي يغنيك عننا ..
من وين نحجز المدن بعد فيينا ,,؟ وشلون نرجع الدوحه ,,؟ إذا رحنا فيينا -زيلامسي-ميونح ؟
اعتقد قصدك وشلون تحجزون القطار للمدن .. هذا يكون عن طريق الكونسيرج حق الفندق هو يعطيكم مواعيد الرحلات للقطارات .. ولكن لاتقصين التذاكر الا في نفس يوم الرحلة ومن المحطة نفسها ..
وبخصوص الرجعة من ميونخ الى فيينا ماعندكم الا القطار .. او الطيران الاقتصادي ..لكن الطيران يبيله حجز وغثى .. يعني القطار اسهل ..
" وين القى محلات هدايا وتذكارات للبلد نفسه"
الهدايا والتذكارات تلقينها اكثر شي في الكشكات او تلقين في شوارع المشاة في كل مدينة محلات خاصة بالهدايا ..
وبالتوفيق