ام مهايا انا اعرفك انتي والخوف جبايب من زمان بس علشان اريحك اقولك روحو بس اسكني في الفنادق اللي فوق الجبال يعني تنامين بدون قلق وبالنهار اصلا مركبين في بوكيت صفارات انذار لو لاقدر الله انحاشي للفندق ههه تخيلت شكلك وانتي منحاشه المهم الفندق اللي مايوصله السونامي هذا هو
(Novotel Phuket Resort (Coralia
http://www.sawadee.com/hotel/phuket/novotel/pictures.html
هذا من الفنادق اللي ماتضرر ولا وصله السونامي في المره السابقه بسبب وجوده على سفح الجبل والماء ماوصله ابد
وسلامتك

الله يسلمك اخوي بس انت متى بتروح بانكوك اواذا كنت تعرف اسعار الفندق ياليت تخبرني الله يخليك

ام مهايا
اختي الغاليه ام مهايا سلمها الله
الفندق سعره 3700 بات الان علشان ليس موسم سياحه ولكن شهر ديسمبر توصل الغرفه فيه 6700بات
وفيه مكان للعب الاطفال ومكانه امان فوق الجبل المطل على الشاطي الوصول الى الشاطي 5 دقائق مشي للنزول والوصول للشاطي انا بكون في بوكيت 16/8 ان شاء الله وكمبيوتري معي لو احتجتي لاي استفسار انا حاضر وبالخدمه.
تقبلي تحياتي وتقديري
اخوك
ابوخالد

السلام عليكم
شكرا بو خالد على التوضيح بس الظاهر للاسف ماراح نلتقي لاني راح اخرج من بوكت بنفس التااريخ
16/8/2006
تحياتي

ريشة المسك
السلام عليكم اخوي الغالي
للاسف والله بس تجري الرياح بما لاتشتهي السفنُ
الشكوى لله جتني رحلة عمل مفاجئه للفلبين ويعلم الله اني اكره ماعلي الفلبين بس ربنا يسهل والجايات اكثر ان شاء الله السنه القادمه استقبلك في مطار بانكوك.
تقبل تحياتي وتقديري
اخوك
ابوخالد

تسلم يابوخالد ويعطيك الف عافية
تحياتي لك

مشكورين على مروركم وان شاء الله احنا رايحين 3-8 بس نتريا راعي المكتب ياكد الحجز وان شاء الله بياكده بس ادعوا لي

ان شاء الله بيتاكد وترحون وترجعون بالسلامه وان شاء الله تستانسون بس لاتنسينا بالتقرير والصور الزينه

الله يسلمك يابو خالد خله نروح او فالك طيب ان شاء الله