من الافضل في تلك الحالات حجز الفنادق مع ترتيب التوصيل من والى المطار عن طريق احد المكاتب السياحيه في بلدكم وخاصة انكم تروحون اول مره وبخصوص التعامل مع اصحاب التكاسي بسيطه اهم شي تأخذون وياكم البزنس كارت حق الفندق علشان الرده وهناك مكتب في الحي العربي في بانكوك صاحبه يتكلم العربية (موسى البانكوكي) حق الحجوزات الطيران الداخليه مع الفنادق والتوصيل من والى المطار بيرتب لكم كل شي ماعليكم بس الدفع وحاضرين الى اي اسئلة

أختي أم جسومي أنا موجود حالياً في بانكوك أنا وزوجتي وعيالي 2 وتوني راد من جزيرة بوكيت وبصراحة ما أنصح في بانكوك نهائياً واللي يبي يتسوق بديرتنا أبرك وارخص وجزيرة بوكيت حلوه ورحلاتها حلوة وأقيمها 60% .
وإذا أنت مصممه تروحين روحي لبوكيت والتفاهم عادي ما يبيله شي بالمطار عطيه أسم الفندق اللي أنتي حاجزه فيه وراح يوصلج والديرة أمان والمطاعم العربيه يعرفون عربي ولا أنصح فيهم إلا للضرورة لأنهم نصابين وغالين بالأسعار ويستغلون العرب وخصوصاً الخليجيين.
وبخصوص المدة في بوكيت لاتتعدى 6 أيام لأنهم 4 رحلات (جزيرة جيمس بوند - جزيرة بي بي آيلاند - ورحلة السفاري - وعرض الفنتازيا) وخلصت بوكيت وسلامتج ودعواتج أختي.
وإذا نويتي السفر أعطيج أسامي الفنادق وشلون الحجز والرحلات وكل شي يسهل سفرتكم إن شاء الله.
أخوكم / انترناشونال

افا ليش تايلند صارت احين غاليه وقبل كانت ارخص دوله

السلام عليكم ورحمة الله وبركاته
لا تزعلين يا اختي بسبب لغتج الانجليزية الضعيفة لأن اصلا كثير من التايلنديين لا يجيدون الانجليزية
لكن مثل ما قال الاخوان عليك بالاحتفاظ ببطاقة الفندق حتى يستطيع راعي التاكسي توصيلك عليها
بالنسبة للسعار بامكانك التفاوض معهم عن طريق الآلة الحاسبة(كل الدكاكين عندهم آلة حاسبة)
ترى الديرة أمان بس انصحج تردين الفندق قبل الساعة 11 ليلا لأن اكثر الاسواق التجارية تقفل بهذه الاثناء وانتو معاكم يهال .
بوكيت تحتاج اسبوع اذا تبغين الرحلات البحرية
وبانكوك تحتاج 5 ايام عشان الاسواق
رحلة سعيدة

ياليت اخوي انتر ناشوينال
تعطيني برنامج مميز للأماكن المميزه
اللي تستحق الزياره والفنادق الراقيه
لاأحب المناطق الشعبيه والزحمه والروائح
احب اشوف الزين وبس
مع خالص شكري وتقديري

اختى الغالية مساء الخير
بخصوص الشعب التايلندى التفاهم معاهم نص بنص شوى انجليزى على اشوية اشارات يمشى الحال
انا اعرف ناس ما تعرف تكتب اسمها بالانجليزى مشى حالها فلا داعى للقلق .
اهم شى احجزى الفنادق و التذاكر الداخلية من ديرتج
لسببين لتحديد الميزانية ومعرفة كم راح يتبقى معاكم فلوس للصرف
و السبب الثانى لانة هالشىء راح يخليج ترتاحين من عناء التفكير وهم الحجوزات
اما جم تحتاجين فلوس هذا يرجع لنوعية المشتريات و نوعية الفنادق اللى راح تسكنيها
تأكدى انج راح تستانسين لانها ديرة حلوة باستثناء زحمة بانكوك وفقر شعبها اللى يمكن
يكون منظر انتى مو متعوده علية فلا تتفاجئين بس بشكل عام الديرة ونيسة وحلوة
وبالتوفيق ان شاء الله

مشكله اللغة مشكله لا نجليزي ولا عربي
بس الدوله تستحق الزياره له
واللغه :112:

توتي الحلوة
أختي العزيزة توتي
إذا تحبين تشوفين الزين وبس لا تروحين بانكوك وإذا ودج تزورين تايلند روحي حق جزيرة بوكيت
وبالنسبة لرحلات بوكيت :
1. (الفان تا زي ) الفنتازيا وهو عرض مسرحي بس متعوب عليه وأنصح فيها .
2. (رحلة جزيرة جيمس بوند) وبصراحة كانت الرحلة حلوة ونوع جديد وأنصح فيها.
3.(رحلة جزيرة بي بي آيلاند) وكانت حلوة بس أقل مستوى من الجيمس بوند.
4.(رحلة السفاري ) ونركب الفيلة وعروض الشواذي (القردة) رحلة بسيطة وسعرها بسيط وأنصح فيها خصوصا اللي معاه أطفال.
ومثل ما قلت سابقاً أن الباتونج بيج patong beagh ما أنصح فيه للي يحب الهدوء والراحة وأفضل الكارون بيج بعيد عن الزحمة ومنطقة أرقى من الباتونج مع أني رحت لها بس ما سكنتها لأني حجزت الفندق قبل لا أشوفها .
وإذا تبون الفندق اللي سكنته بالباتونج بيج كان حلو ونظيف ومميز واسمه صعب شوي (BAUMANBURI) وهذا السايت ماله: http://WWW.baumanburi.com
والغرفة كانت نوعيتها قراند ديلوكس وكان السعر لليوم 3500 بات .
مع تمنياتي برحلة موفقة أخوكم / انترناشونال

مشكور أخوي انترناشيونال
طيب وش رايك في شنغ ماي كثير يمدحوها انا معاي طفلين
وبالنسبه لبانكوك ماتستحق الزياره للتسوق فقط
انا قعدت بكوالا لمبور اسبوع تسوق وماشبعت لا انا ولا زوجي