االاحسااس
هلا حبيبتي ،، انا بخير عساك بخير ، و باريس تنتظركم ،، خلينا نشوفك هناك
والله سومته خسرانة خسرانة ...!!
خذيلك ساعة و انا اختك و قوليله اذا وصلنا باريس بالسلامة يصير خير ،، و انتي و شطارتك ..
و وقت وصولك اصلا بيكون تخفيضات ماراح تفرق الميزانية معك كثير ..
الشوكولاته انا دايم اخذ من لادوريه ماكارون ، و اخذ من محل jeff de brugges هدايا و اخذ لبيتي بعد كمية ..
هذا موقعهم ..
http://www.jeff-de-bruges.com/
عندهم محلات في الاوبرا ، فال دي يوروب ، و الحي اللاتيني ،، و غيرهم
بس خلي الشوكولاته اخر يوم ، و طبعا تشيلينها في الطيارة معك ..

مشكوره حبيتي ماقصرتي.. شفت الموقع بصراحه الاسعار حلوه مو مثل هنا..
طيب هذا المحل لادوريه ماكارون وين؟
يالله ان شاء الله نشوفك ناخذ لفه على الاسواق بس لفه واصير معلمه ولا يهمك ههه

لادوريه في الشانز ، هذا موقعهم ..
http://www.laduree.fr/public_en/adresses/nos-adresses.htm
خلي الفوكيت على يمينك و امشي على طول يجيك المحل على اليمين ، المحل لونه من برا اخضر و فيه جلسات قدامه ..

مشكوره جزاك الله خير
تصبحين على خير..

سلام اختي.. شلونك؟ ان شاء الله بخير.
حبيبتي بغيت منك توصيف لبعض الاسواق الله لا يهينك ..
اليوم رحت فل دي يورب اتسوقت وشريت لولدي بس في محل مره كشخه كنت بشتري منه لولدي قالت خليه بكره عشان التخفيضات قلتلها ما اقدر اجي بكره قالت فيه لنا فروع في باريس قالت فيه في القاليري لافييت بس فيه اكثر من عنوان بكتبها لك بالانجليزي وقوليلي كيف اوصلها الله يعطيك العافيه..
des Halles, niveau-1porte lescot
galeries lafayette ,40bd hasussmann
نا في فندق park lane
صحيح بغيت اسئلك فين القى ساعات ماركة فيليب شاريول
الله يعطيك العافيه اشتريت من الشوكولا اللي في فل دي يورب لذيذه ماشاء الله مشكوره ماقصرتي
معليش باكلف عليك بطلبي بس بكره اخريوم لي في باريس الحمد لحقت التخفيضات

حلوه انتي وشطارتك
والله الحريم ما يعوقهم شيء

هلا حبيبتي ،، الظاهر انها تقصد الجالاري لا فاييت الي في شارع هوسمان ( في الاوبرا )
هذا الوصف من الشانز او من اللاديفانس
Galary La Fayette
من الشانز : من محطة فرانكلين روزفلت تاخذ الميترو رقم 9 المتجه الى Montreuil و النزول يكون في محطة Havre Caumartin
من الاديفانس : من محطة Esplanade LA Defense الى محطة فرانكلين ميترو رقم 1 الاصفر ، و منه تغيير الى ميترو 9
و بالعافية عليكم الشوكولا ، و حطيتلك اسم محل ثاني في موضوع المتواجدين في باريس ..

طيب العنوان اللي قبله وش هو ؟تقصد مول لي هال والا انا غلطانه؟
طيب شوفي العنوان هذاMaine Montparnasse galeries lafayette
قريب من فندقنا جالري لافييت اي واحد منهم هذا اللي قريب منا عند الاوبرا .
طيب الساعات من وين الاقيها؟
معليش غثيتك بس بكره الفرصه الاخيره

في فرعين للجالاري لا فاييت ، في واحد في هوسمان ( الاوبرا ) الي حطيتلك وصفه ،، و في واحد عند مبنى المونبرناس
هذا وصفه :
المونبرناس اكبر مبنى في اوروبا
من الشانز تاخذين مترو 1 في اتجاه chateau de Vincennes و تنزلي في محطه champs elysees Clemenceau و تاخذين المترو 13 في اتجاه chatillon و تنزلين في محطه montparnasse bienvenue
عموما انتي خلي اسم المحل معك و اذا دخلتي الجالاري لا فاييت اسالي عنه ..
بالنسبة لفيليب شاريول ما اظن عندهم محل خاص في باريس ، بس ممكن تحصلين ساعاتهم في الجالاري لا فاييت ..