هاوي نغم
برنامجك ممتاز وتوزيع الأيام ممتاز والفنادق ممتازو
توكل على الله وأمل حجوزاتك
بالنسبة للأماكن السياحية كثيرة جدا لكن يمكنك من خلال تقارير الأعضاء
تحديد الأماكن التي أنت تجد نفسك راغب في زيارتها فما يعجبني قد لا يعجبك والعكس صحيح
وأنصحك بالإطلاع على هذا الرابط للأهمية
https://artravelers.com/p/re/355657
ورحلة موفقة إن شاء الله

عليكم السلام ورحمة الله وبركاته
ماشاء الله تبارك الله كل شي تمام التمام إلا الحجز من لنكاوي إلي بينانق
لو تلغي العباره الفييري وتستبدلها بطيران افضل واسرع كلها 35 دقيقه
وبالنسبه للأماكن شوف هالرابط بيفيدك إن شاء الله
https://artravelers.com/p/re/370161

مرحبا
بصراحه محظووظ أنا لأن أول رديين جاوني من الخبراء مبااشره
يعطيكم الف عاافيه
بس أنا قصدي إني أخااف ارتب جدول ويطلع شي شماال وشي جنوب ويضيع وقتي
ودي إن من خلال خبرتكم ترتبوون لي كم مقترح علشان مااضيع بين الخيارات وأختار أماكن بعيده عن بعض بنفس اليوم
أخ زازا بخصوص العباره والله أنا محتار في هالموضوع أحد الأخوان نصحني بطيران الفير فلاي الطائره المروحيه بس إلا الآن ماقررت بهالخصوص
راح اطلع على المفكره والدليل الشامل
الف شكر لكم

السلام عليكم
شوف انت شوف الرابط ومكتوب مواقع الأماكن اللي تستحق الزياره
وانا بأقولك أهم الأماكن وأكيد فيه غيرها الكثير
في سيلانقور
ملاهي الصن واي لاقون المائيه والله يغفر الذنب كلها خلط ملط وسوق البيراميد هذي أهم مافي سيلانقور
لنكاوي
أهم شي رحلة المناقروق البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
انت بتسكن بالراساسايانق يعني عندك اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق رهيبه
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه لكوالالمبور
الأماكن كثير عندك اهم شي البرجين ومجمع سواريا وحديقة البرجين بعد العصر جميله جدا جدا
وفي نفس منطقة البرجين عالم تحت البحار لو مارحت للي بلنكاوي تروح له وهو افضل
وفي كوالالمبور شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق وعندك برج المناره
وبالنسبه للحدائق لو تحبها عندك حدائق الفراشات والطيور والزهو تروح لهم بنفس الوقت مع حديقة بردانا
وفيه ياطويل العمر حديقة الحيوان حلوه مش كبيره ولو بتروح لها تروح لشلالات تمبلر بارك مو بعيد مره منها
وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه اغلبها مباني
حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا والله ماحبها وكن ممكن تعجبك عروض كاوبوي وسفاري وحديقه بسيطه وحاجات ثانيه
يبي لها يوم كامل وهي خارج كوالالمبور بحدود ساعه ونص
وفيه اماكن كثيره اكيد اني ناسيها ولكن انا ذكرت الأهم

أخ زازا ماقصرت يالغالي جزااك الجنه و يعطيك الف عافيه
أطلعت على الدليل الشامل وفادني كثير
هم الي عنده برامج مقترحه يسعفنا فيها

لا تشتت ذهنك
برنامجك ممتاز توكل على الله وسو حجوزاتك

اخوي هاوي نغم
اجازة سعيدة
بس تبي رايي والشور
انا سافرت ابريل الماضي الى ماليزيا شهر عسل
وتبي الصراحه كان ضمن الخيارات سيلانقور
من كثر ماسمعت وقريت بالمنتدى
يوم فكرت فيها ودرستها عدل
قلت سلانقور كلها نص ساعه عن كوالا
اروحلها واستانس وارجع لكوالا
وبهذا انا وفرت فلوس الفندق اللي كنت ابي اسكنه في سلانقور
تبي نصيحتي
الغ سلانقور من مخططك
ترى مافيها شي
انا اخذت المدام وقلت ابي اشوف شنو فيها
اكتشفت انها مدينة ملاهي مائيه
وانت انسان اتوقع ما ترضى لنفسك ولا لأهلك انك تدخل هالمكان وتشوف العالم بنص ملابس
والشي الثاني منت رايح تلعب ووزوجتك بس تطالعلك وتموت قهر وتحقد عليك
إذا اهلك معاك بالسفره
إذا مو معاك عاد شي راجعلك
وانا مستغرب من الناس اللي تحجز على طول سلانقور
كانها صارت شي اجباري
يا في البداية او في النهايه
وهي اصلا من ضواحي كوالا
يعني لو مشتهي بالسياره
نص ساعه وانت فيها اذا كان قصدك المول او التمشي فيها
وابي اعلمك خط سير رحلتي وصراحة الحمدلله توفقت فيها بفضل من الله
الرحلة عباره عن 19 يوم
اول ليله كوالا ومن بكره على طول الى لنكاوي
3 أيام
ومن بعدها بالعباره الى بينانغ ترى سعرها رخيص يمكن 50 رنقت
ورحلة ممتعه وتجربة رائعه مدتها ساعتين
لو تحجزها قبلها بيومين يكون احسن وخل السائق اذا تثق فيه هو يحجزلك
ومن بينانج (شانغريلا 4 أيام ) الى مرتفعات الكاميرون بالتاكسي
رحلة حلوه تقريبا 300 كيلو من المتعه
ومن الكاميرون( يومين) الى كوالا بالباص باص في آي بي
نظامه مقعدين ومقعد
يعني وسيع ورخيص 45 رنقت
وكوالا 6 أيام
هذا ببساطة برنامج رحلتي
يعني كأني أخذت ماليزيا من تحت الى فوق
واذا تبي شي تراني بالخدمة
رحلة موفقه
ولاتنسى اهم شي الصلاة

مرحبا بالجميع
لا تشتت ذهنك
برنامجك ممتاز توكل على الله وسو حجوزاتك
هلا اخ المغادروون
ايه برنامجي مؤكد خلااص الحجز أوكيه حجزت كل شي بس أبي ترتيب وجهات سياحيه داخليه في كل منطقه
يعطيك الف عاافيه
مرحبا أخوي خاالد والله بالنسبه لسلانجور هي للإسترخاء في ناس تريح في كوالا بعدين تطلع إلى لنكاوي وبيننغ وبعدين ترجع مره ثانيه إلى كوالا مع تغير الفندق الي بالمره الأولى
أنا أخترت إن الراحه من عناء السفر يكون بسلانجور كتغير عن كوالا الي بتصير المحطه الأخيره
لأن أنا مو مقتنع إني أكرر محطه مرتين أقصد كوالا
عموماً رأيك جميل يعطيك العاافيه