الله يعطيك العافية
تقريرك فادني ، ونرجو منك المزيد ونحن معك متابعون
ونأمل منكم تقرير عن المنطقة، وإذا مافي "كلافه" تنزل لنا صور، لأنني بصري

الحمدلله بالسلامه00
تري مبني عقد الأنكحة قريب منكم ، امامكم تقريباً ، بامكانكم حضور الزواجات، والمشاركه في الأفراح0000
اتمنى لك سفراً سعيداً ان شاء الله000

سلام
أخي في متشكا استأجر سيارة 35 ليرة إذا كنت ذاهب لأزنغول من شخص يعمل في فندق سومالا هوتيل اسمه مصطفى قول له أرسلني سامي لأن سيارته مازالت معي.

نحييكم من .. متشكا ..السلام عليكم ..
الصراحة اشكر في لبداية كل من استفدت منهم في هذا الصرح الشامخ ..
بعد رحلة استمرت 3 ساعات و20 دقيقة .. وصلنا لمطار اسطنبول ..
تم السكن لليلة واحدة في فندق كراون بلازا ... بحكم قربه الشديد من مطار اتاتورك ..
الفندق نظيف وموقعه جمييل ..
في صباح اليوم كانت رحلتي على طرابزون .. ولكن للأسف .. .. بدل ما اروح للمطار الداخلي رحت للدولي .. ولا اكتشفت الخطأ الفادح إلا لما دخلت ......
على العموم .. الرحلة فاتت .. وحصلت حجز على رحلة الساعة 5.35 العصر ..
سكنت في فندق راديسون ساس.. الى الساعة 4 العصر .. الفندق حليل.. وتوجهت للمطار 4 العصر ..
الحمد لله وصلت طرابزون بالسلامة .. أخيراً .. ..
المهم في الموضوع اني استأجرت سيارة من نوع رينو ديزل 2007 ب 60 ليرة =175 ريال ..
الصراحة السيارة عملية و واسعة (خصوصا للي معهم عفش وااجد)
ولكن مشكلتها شكلها غبي جداً .. ماعلينا من الشكل اهم شي المخبر..
على العموم .. سيارات الأجار متوفره بكثرة في المطار وأسعارهم مناسبة وأرخص من النت .. هذا حسب اللي شفته .. وبحاول ارفق لكم صورة السيارة لاحقا ..
سكنت في فندق ساميولا في متشكا .. الفندق اروع من المتوقع لهذه المنطقة ..
الغرف نظيفة والخدمة رائعة .. (على فكرة انا من رواد فنادق 5 نجوم بكثرة) ومع كذا الفندق فاق التوقع اللي في بالي .. وحتى فيه انتر نت واير لس ..
حتى اني وصلت متأخر الساعة 11 ولما سويت شك إن .. ودخلت الغرفة كلموني وقالو لي إن عشاك جاهز في المطعم .. ورحت وحصلتهم مجهزين لي الطاوله وعليها المقبلات ..وبعدين جابو العشاء!!!!
وعلى العموم حتى ما احد يبلشني انا اقول ان الفندق ممتاز بالنسبة للمنطقة ....
وعذراً على القرق الواجد .. ولكن حبيت افيدكم .. ونوافيكم لاحقا بالتتطوراات ..
وسلامتكم .....
الحمد الله علي السلامة .
ابي ارشدك علي مطعم طيبب جدا دامك في متشكا هو قريب منك بس لازم سياره لان مكانه على طريق زيقانا .
اوصاف المطعم ( تجده بعد حوالي 15 كم تقريبا من متشكا وبجانبه مجسم لتمساح ومجسم آخر لبقرة علي شمالك )
لايطوفك عنده الريش اسمها بالتركي ( بيرزولا ) طيبه م:36_1_20:ره .
وعنده ايضا حلو اسمه ( السوتلاش ) طيب م:36_1_51:ره .
وبالهنا والشفا .
:smile001:

الحمد لله على السلامه

الله يسلمك يالغالي
بس ودنا منك المزيد

يعطيكم العافية ..
اليوم رحت للمنتزه الوطني التاندرا .. (سامويلا) .. الصراحة الطريق له يفوق الخيال .. تمشي بوسط الخضار والنهر يصحبك .. واذا دخلت منطقة المنتزه تبدأ الشلا لات .. صراحة شي خيال ..
حصلت داخل المنتزه .. اكواخ للإيجار وهي تتبع لنفس فندق سامويلا في متشيكا ..
سعر الكبير (دورين/3غرف نوم وحمامين وصالة جلوس )ب220 دولار تقريباً .. والصغير (غرفة وصالة ودورة
مياه) ب 110 دولار ..
بصراحة انا اشوف ان الشمال التركي يستحق العنوة .. واللي عازم يجي ولا يهمه كلام المثبطين ..
على العموم بحاول ارفق لكم بعض الصور ولكن لما تتيسر ..
وسلامتكم ..

هذي بعض الصور واعذروني ان كانها صغيرة لأني اول مرة ارفع صور
البانقلو(الكوخ) الكبير ..
سيارتنا الفخمة ..

وسلامتكم

كيف كانت حجوزاتك وكيف أسعارها سواء في السعودية أو في تركيا وكيف أسعار الفنادق في إسطنبول وفي مناطق الشمال أرجو منك كتابة الأسعار وجزاك الله خيرا