السلام عليكم
اخواني اولا اشكركم على مساعدتي بردودكم لإستفساراتي
وخصوصا المشرفين كان تواجدهم وردهم سريع
وهذا مايميز هذه البوابة الرائعة الله يوفقهم
اخواني اكتب لكم هذا الموضوع ويعتبر الخطه النهائية للرحله
وهو برنامج الرحله
وراح اعطيكم التفاصيل:-
عددنا:شخصين
المدة:17 يوم
ميزانيتنا:16 الف
الوصول الى جاكرتا يوم الاثنين الساعة 1:30 ظهرا
العودة للوطن يوم الخميس 3:30 ظهرا
نبي الله يحفظكم تقسمون لنا الايام على حسب المدن
وعندنا اقتراح مبدئي ولا مانع بتغيره اذا عندكم افضل
وبرنامجنا المقترح
يوم في جاكرتا نريح فيه
اليوم الثاني نحرك الى بونشاك لمدة 7 ايام
ولا اعلم ماهي المناطق السياحية بس بنا فقر طبيعه نبي نكحل عيوننا ونتبطح بالخضار
ويمكن نروح لبندونق يوم ونرجع بالليل
وباقي الايام اتمنى تعلمونا وش الاماكن السياحية الي هناك لاني ماعرف الا حديقة الحيوانات
بعدها ننتقل الى بالي لمدة 7 ايام
واتمنى تعطوننا برنامج بالي يصلح للشباب
وبعدها نرجع لجاكرتا ونجلس فيها يومين
منها نروح لانشول وياليت بعد تعملون جدول لاماكن سياحية واسواق
لان اليومين بنخليه يوم سياحة واليوم الاخير تسوق
وبنفس اليوم الاخير الي حطيناه للتسوق راح يكون موعد مغادرتنا الساعه 3 الظهر ان الله احيانا
فما ادري وش تنصحوننا
وهل برنامجنا حلو ولا ابو كلب
وهل الميزانية تكفي
وياليت تزودونا بارقام السائقين علشان ننسق معهم قبل ان نصل
وارقام الفلل في الجبل
لاننا ودنا اول مانوصل ناخذ تاكسي يوصلنا للفندق
وبالنسبة للفندق الي ناخذه اول مانوصل تنصحوننا نحجز بالبوكنق ولا بكاها اذا وصلنا؟
وياليت تنصحوننا بالفنادق الي تعرفونها
وبالنسبة للصرف وش تقترحون علينا كم نصرف روبية ودولار وكم نحط بالفيزه
وبالنسبة للمعلبات وش الي يكفينا هناك
مع العلم ان وجبة الافطار اليومية راح تكون كالاتي
علبة زيتون
علبة قشطة
جبن
تونه
طحينية
فول سوداني
وبالنسبة للمعلبات هل مسموح نقل العلب الزجاجية والبلاستيكية والمعدنية؟
هذ الي خطر ببالنا الان