والله اخوي انا الي سمعتو محد مدحها لاكن عندك الأماراتيه حلوه بشكل مو طبيعي انا مجربها

طيران الخليج طيران عادي جداً
انا شخصياً لاانصح فيه ابدأ وافضل عليه طيران الإتحاد والإمارات
اخوك
عبدالله

مش بطال ..
و له 3 رحلات يومياً من البحرين الى هيثرو
يعني ان شاء الله بتلقون حجز .. مافيه مشكله ..

جربتهم انا يعني ماعليهم .. لكن عن نفسي ارى السعودية افضل منهم ...
واذا تبي تروح على طيران خليجي خذ الاماراتيه بدون ماتشاور

جربتها العام الماضي،،،،، بصراحة وبدون مجاملة روعة
ذاك اليوم كل الخطوط الخليجية مقفله رحلاتها على لندن
وما حصلت إلا طيران الخليج وسياحي بس وبسعر كان أقل من باقي الخطوط..... المهم طلعت من الرياض للمنامة ورحلتي اللي للندن يبيلها 4 ساعات قلت أخليها تمشية في السيف ماتضر.... المهم وصلت للمنامة وقلت أشيك على الرحلة يمكن يأجلونها( باص الخليج ) وأستفيد بشوفة فلم في السينما، قالوا لي يابو الشباب فيه رحلة للندن حصل فيها تأخير وبتقلع بعد 45 دقيقة تبي تطلع عليها قلت ومالو أطلع.....طلعت ووصلت بحمدالله.
خلال الرحلة أكثر شي قفلها معي الشاشة اللي قدامي,,,, يعني إذا بتغير الفلم يروح عليك ترجع له تلقاه مخلص...المهم في الرجعة سوو لي حركة رايقة مرة مرة مرة وهي ترقية الدرجة من سياحي إلى درجة رجال الأعمال من لندن للمنامة ومن المنامة للرياض.....بصراحة أنبسطت منهم وقررت أشترك في برنامجهم حق ولاء المسافرين اللي فيه ميزة مهي موجودة في أغلب خطوط العالم وهي إنك تحتفظ بالأميال لمدة 10 سنوات وباقي الخطوط حدها خمس سنين
مو كني طولت ,,,,,, ياكثر بربرتي سلام

اول شي بتلاقون اكيد مثل ماقالت اخت مزون 3 رحلات يوميا
لكن ماانصح فيها ابدا...
انا كنت ابي رحلة مباشر للندن من الخبر طبعها السعودية مو يوميا من الدمام لندن وعلى فكرة حتى الدمام لندن توقف في الرياض ساعة..
فمافي الا الخليج او البرتش اير والبرتش الكل يعرف مشكلة التيرمنال 5
توقعت ان الخليج اهم وجهة لها لندن فبتكون كويسة
لكن اول واخر مرة على اخليج الطيارة مو شينة زينة وجديدة لكن الكراسي والمضيفين والأكل والترفيه على الطائرة مش ولا بد .
نصيحة الخليج لاء
شوفي الأتحاد

نصيحة من انسانة مسافرة طول عمرها خلك على القطرية او الماراتيه فقط لن باقي شركات الطيران يجنون الواحد مع الوزن والمعاملة
وشكرا

مشكورين الله يعطيكم العافيه ماقصرتوا
جعلهاالله في ميزان حسناتكم