نشر في لندن

ميني باص مع سائق

ملكة الشرق

21-08-2022 - 04:31 am

السلام عليكم ورحمة الله
انشالله الكل بخير وباحسن حال
بغيت اطلب طلب وانشالله الاعضاء فيهم الخير والبركه اذا ابي اطلب ميني باص يكفي ل 10 اشخاص وطبعا مع الاغرااض لان انشالله رايحين للندن على اخر الشهر ويوصلنا من المطار الى الفندق او نطلبه بعدين يوصلنا لاي مكان بدل ما ناخذ يمكن 3 تكاسي وعليكم الحسبه وارجو المساعده ما عليكم امر اذا احد عنده رقم سائق ميني باص ثقه واماانه اهم شي ويتسع لعدد الاشخاص لايبخل علينا ويا ماله من الدعاوي السنعه
ثانيا : بلييز بغيت اعرف عن الجو في لندن - جنيف -باريس باخر شهر يوليو وشهر اغسطس يقولون برد وامطار ومابي اخذ هدوم ثقيله وجاكيتات ووزن عالفاضي ولا ابي اصيف وبعدين امرض من البرد :11ld:
ومشكورين والله يعطيكم العافيه

التعليقات (9)

مسافرلها

21-08-2022 - 07:20 am

أنا أعرف شخص أمين جداً كويتي من فئة البدون أنتقل وعاش في لندن من بعد الازمة والان لديه الجنسية البريطانية .. رجل صادق وامين ويخاف الله ... على قول الاخوان المصريين (بتاع ربنا)
أنا رحلتي في تاريخ 23 هذا الشهر وبخليه يستقبلني بالمطار انا والعائلة سيارته مرسيدس ميني باص ... أسم الرجال سعد الظفيري يلقب بأبو أحمد
تلفونه مو عندي الحين في البيت .. وانا بالعمل واذا رجعت انشاءلله احطه لك للفايدة العامه.
وفي الاخير لا نزكي على الله أحد
على العصر اذا مو قبل يكون موجود التلفون ان شاء الله
تقبلي أحترامي
مسافرلها

بوغثيث

21-08-2022 - 08:21 am

الله يعافيك الرقم اذا ممكن
ومشكور

ميسون محمد

21-08-2022 - 09:22 am

وعليكم السلام ورحمة الله وبركاته
اختي الكريمة ملكة الشرق ..
هذا رقم شركة الميني كاب Mini cab 00442077014321
واقرأي هذا التقرير راح يفيدك من ناحية السعر الرابط https://artravelers.com/p/re/194218
بخصوص الأجواء في لندن متقلب بشكل كبير ..
وخذي احتياط بسيط من الملابس الثقيلة .. وهذا موقع درجات الحرارة المتوقعة للشهر القادم ..
http://uk.weather.com/weather/monthly-London-UKXX0085?flag=1
وموفقين يارب وأجمل تحياتي لك وللجميع

القطري

21-08-2022 - 10:23 am

على قولتهم..
الزياده ولا نقصان :8888:
هذا رقم الميني كاب أيبين فيه الأسعار على موقعه في النت ..المهم انكم تتصلون وتحجزون قبل السفر ب 48
http://www.milesfaster.co.uk/prices.htm
AIRLINE CAR SERVICE
A London P.C.O Registered Company.
Licence Number: 00338/01/01
Phone:+44 020 7433 3330
Fax:+44 020 7794 1780

ملكة الشرق

21-08-2022 - 11:24 am

مشكورين كلكم والله يعطيكم العافيه اللي رد واللي مارد والله ويوسعلكم انشالله وحبيت اعرف اخوي مسافر لها عن رقم ابو احمد عشان انكلمه قبلها بمده لان احنا هم بعد سفرتنا باذن الله من الكويت يوم 28 بس الله يعافيك الرقم لاهنت يعني ننفع واحد ومسلم وعربي احسن من غيره

مسافرلها

21-08-2022 - 12:25 pm

هلا وخيتي ملكة الشوف ولا هانو الربع ... العذر والسموحة على التأخير بالرد ... تعرفون الواحد قبل اجازته يطلع له شغل السنة كله باسبوع ... الله يعين , عموما ما ابي اطول عليك لان على حد علمي المنتدى يمنع وضع ارقام الهواتف الغير رسمية للشركات معتمدة او جهة معترف بها من قبل المنتدى.
وحرصاً وأحتراماً للهذا المنتدى المعطى وافضاله علينا لابد من الموفقة على وضع الرقم من قبل المشرفين
ملاحظة :- حاولت ارسله لك على خاصية الرسائل الخاصة ما لقيتها
أخوك
مسافرلها

dossfs01

21-08-2022 - 01:26 pm

ننفع واحد ومسلم وعربي احسن من غيره

مسافرلها

21-08-2022 - 02:27 pm

صدقت أخ dossfs01
لكن علينا احترام القائمين على هذا المنتدى وتعليماتهم .. لان هذا المنتدى ما وجد الا للفائدة العامة
وحرصهم الشديد على مثل هذا الامور انما يدل على اهتمامهم بالمصداقية في التعامل وعدم فتح المجال للاجتهادات ممكن انت تضر بالمسافر لا سمح الله وبالتالي تنعكس الصورة على هذا المنتدى .
والشهادة لله أن منتديات المسافرون العرب ما لمسناه في تجارب سابقه مثال حي على حرص القائمين والمشرفين على اعضاءه والزوار وكل المستفيدن من هذا المنتدى العملاق
ننتظر أحد المشرفين لا هانو يدلو بدلوه ويفيدنا بالموضوع عن الخيارات المتوفرة
تقبلو فايق احترامي
اخوكم
مسافرلها

ملكة الشرق

21-08-2022 - 03:28 pm

مشكور اخوي مسافر لها ماقصرت والله يكثر خيرك بس والله صج محتاجين الرقم لان وقت السفر ما بقاله شي ولازم نكلمه قبلها بمده وياريت احد من المشرفين يحل المشكله لاهنتو

لندن المسافرون العرب

ميني باص مع سائق