1. بالنسبة للأكل


2. وانتي ماشية كل يوم كذا تقرياُ الصرفية من 50 الى 80 دولار غير السكن

على حسب ... يعني ترى ترفيه عن ترفيه يفرق ومطاعم عن مطاعم تفرق
بس خليني اعطيك معلومات تفيدك
المواصلات داخل جاكرتا التكسي على حسب المشوار ومسافتة 5000 الى 50000
من جاكرتا الى بونشاك تقريباً من 250000 الى 350000 حسب السائق واتفاقكم معاه والرجعة نفس الشي
استأجار سائق بسيارته اليوم كامل من 250000 الى 350000
الترفيه
تذاكر الدخول تختلف من مكان لأخر سواء كان سفاري او ملاهي او غيرة بس مو واجد يعني من 10000 للشخص الى اتوقع على ما اذكر 40000 ما تزيد

بالنسبة للأكل

المطاعم في جاكرتا فيها مطاعم راقية واذا بس انتي وزوجك يمكن الوجبة في مطعم راقي تكلف حوالي 300000 وفيه مطاعم جيدة في المجمعات التجارية الوجبة تقريباً من 35000 الى 50000 للشخص انتو وهمتكو
بالنسبة للجبل قبل لا تسافرون من هينا مرو سوبرماركت وخذوا الي يكفيكم المدة الي بتجلسونها في الجبل من معلبات ورز وسبكتي وكتشب وشطة وملح وماجي ولومي اسود وبهارات ومعجون طماطم وقهوة وتمر و الخ وخذوها في كرتون لان المعلبات السعودية غاليه هناك.
واول ما توصلون الجبل الله لا يهين زوجك ينزل ياخذ تيس والا اثنين للثلاجة قيمة التيس حوالي 300000 ويمر البقالة بس لا يمر البقالة السعودية لانها غاليه وياخذ عاد الاحتياجات اليومية من طماطم وبصل وخضرة وموية واي شي يلزم المطبخ يمكن كلها ما تتعدى 300000
وانتي الله لا يهينك عليك بالطبخ او خلي الشغالة الي معى الفلة تطبخ (غالباً بيكون اسمها رحمة او فاطمة )
خليني اخليك في الأمان وعلشان لا ينقصكم شي لا انتي ولا زوجك اذا بدون سكن خذوا معاكم 100 دولار لليوم
يعني 1300 دولار يعني حوالي 4875 ريال خليها 5000 ريال لل13 يوم والي يبقى رجعوه معكم (ولا تنسون بطاقة صغيرة للفيزا قطيها في شنطة اليد وكل ما وصلتوا السكن خليها في السيفتي بكس سبحان الله تنسرقون والا شي يكون عندكم بديل)
طبعاً بدون سكن ... يالنسبة للسكن احسبي في جاكرتا من 50 دولار الى 80 دولار حسب الفندق الي بتاخذونه
وفي الجبل الفلة من 350000 الى 800000 حسب الفلة بس انتي قلتي بدون سكن فأنا شايل حسابات السكن من بالي نهائياً
طبعاُ الاسعار تزيد او تنقص بس بشكل ضئيل جداً
انتوا اهم شي سوو جدول من الان علشان تعرفون كم بيكلفكم كل يوم
يعني مثلاُ
تحسبيها كذا
اول يوم
الفيزا 50 دولار + السيارة من المطار الى الفندق 150000 + وجبة عشاء 200000 + نثريات 50000 = 850000
اليوم الثاني
تكسي للجبل 300000 + مقاضي المطبخ والتيس اهم شي 600000 + نثريات100000 (اهم شي بخشيش الحارس) = 1000000
ثالث يوم (من هينا مافي وجبات كل الطبخ في البيت:113
اجار السيارة اذا بتاخذونها لليوم كامل 300000 + دخول حديقة الزهور 30000 + نثريات وبارد وخرابيط 100000 = 430000
رابع يوم
السيارة 300000 + رسوم دخول السفاري تقريباً 50000 ما اتذكر + اكل للحيوانات 50000 + نثريات بوب كورن وخرابيط وغيرة 100000 = 500000

وانتي ماشية كل يوم كذا تقرياُ الصرفية من 50 الى 80 دولار غير السكن

انا شخصياً حطيت لنفسي قاعدة لليوم في اندونيسيا على الاسعار الحالية 150 دولار شاملة السكن واهم شي تكون عندك الخطة ب جاهزة بأصطحاب بطاقة الفيزا او الصراف او كليهما معك للحيطة.
اندونيسيا ما احد يشيل هم مصاريفها بس التخطيط جيد وانا من الناس الي احب احسب حساب كل شي واحب التحطيط للسفر لأني اعتقد ان احلا مافي السفر هي ايام التخطيط له والعن يوم هو اطول يوم في العالم وانت شايل شنطك ورايح مطار سوكارنوا استعداداُ لمغادرة العمة
وسفر سعيد

انا مع اخوي
انا شخصياً حطيت لنفسي قاعدة لليوم في اندونيسيا على الاسعار الحالية 150 دولار شاملة السكن واهم شي تكون عندك الخطة ب جاهزة بأصطحاب بطاقة الفيزا او الصراف او كليهما معك للحيطة.

السلام
مواطن 2006
والله يعطيك الف الف عافية على هالحساابات .. ومشكور وما تقصر
بس افهم من كذا ان الجبل ما فيه مطاعم تمشي الحال .. لاني بصراحة غشيمة في الطبخ وزوجي غشيم في التيوس خ
والشغالة كم تاخذ باليوم .. :s
قووطي تووت .. مشكور على مداخلتك
وانتم ما تقصرون ..
يا شباب ما اعطيتوني رايكم في باندونق .. ازورهاا يوم واحد ولا نبات فيها ..!؟؟

1. وفعلاً كان على الشغالة طبخ في عمري وحياتي ما ذقت مثلة

ما حولك مطاعم غير فاست فود ومتباعدة يعني ما بتظربين لها مشوار ولا انصح بأكل اي شي خارج المنزل في الجبل نهائياً نهائياً نهائياً
الشغالة تجي مع الفيلا غالباً ولا انصح انك تاخذين شغالة من برى لانها لو سرقتكم او سوت شي ما بتعرفين تجيبينها وشوفوا الفلل الي بشغالات.
واذا اخذتوا فيلا بدون شغالة خلي راعي الفيلا هو الي يجيب لكم شغالة ووصوة انه هو المسؤل عنها ووقعوة على ورقة بينكم وبينها وبينه وتكون خبيرة طبخ خليجي هم عاد يعرفون بعض اذا وصيتوه وشديتوا عليه بيجيب لكم وحدة ممتازة وجربوها واذا ما صلحت غيروها السعر اتوقع ما يتجاوز 100000 لليوم بل اقل من ذلك
انا في الجبل اخذت فيلا جديدة واثاثها جديد وراقي 4 غرف كلها ماستر وصالة ومطبخ ومسبح كبير وحديقة كبيرة جدا فيها مكان عالي جميل جداً مخصص للجلسات والشوي مع الشغالة والحارس الخاص ب500000 لليوم بس بعد ما نشفت دمة

وفعلاً كان على الشغالة طبخ في عمري وحياتي ما ذقت مثلة

اول ما تصحى هي بس تسمع صوت الموية عندك في الغرفة تبداء تجهز لك الفطور مقلقل على بيض على كبدة على اجبان وشاهي خرافي وحليب بالزنجبيل وحتى القهوة العربية وربي تظبطها صح.
بعد ما تخلص فطورك وقبل ما تطلع تسألك متى بتجي للغداء تعطيها وقت محدد وما تجي الا ذيك الكبسة الي انا اسميها اختراع ما ادري كيف تظبطها بشكل يخليك تاكلين ما تشبعين مع السلطات والعشا اذا تبغين شوي هي تجهز لك الشوي والاسياخ بطريقة فنية وتجهز المنقل وتشب الفحم وتشوي لك بعد ... وعاد لا منها قطعت الفاكهة ونحتت لك الاناناس على شكل وردة والمنجو شرايح و الخ
هي كانت كبيرة بالسن وكنت والله ارقب شغلها واتلصص عليها كانت والله يشهد قمة في النظافة وتبالغ في النظافة وما تمسك شي الا تسمي بالرحمن.
على فكرة اغلب الشغالات الي هناك طباخات رقم 1 وخصوصاً في الاكلات الخليجية (مطازيز-هريس-جريش-كبسة بجميع انواعها واشكالها واصنافها وصورها-مرقوق ... الخ)
وقدام عيني جاء شايب واحد اماراتي ودق باب الفيلا الخارجي وفتحت له قال ابي الشغالة العجوز الي هينا ناديتها وربي عرض عليها ما يقارب 2500 ريال بالشهر وتروح تشتغل عندة طباخة في الامارات ورفضت رفض قاطع تقول ما تقدر تخلي ديرتها وعيالها وجلس يشتكي لي انه كل شوي يرفع العرض لها ويحاول فيني اقنعها.
تلاحظون اني استرسلت في الحديث وما بسكت ههه بس والله شوقتوني للعمة اه على ذيك الايام
عاد انا مشكلتي الاكل ههه لا احد يسولف فيه والا ما بسكت يم يم يم يم يم ههه