جمانة 15
03-05-2022 - 07:50 am
السلام عليكم.
انا ان شاء الله رايحة للندن في اجازةالحج ابي تقولون لي وش اخذ معي من الاكل.؟
هل اقدر اخذ معي موية صحة ؟.لان بنتي يوم رحنا لفرنسا ماتشرب مويتهم تقول مهيب حلوة.
وايش احسن الجوالات اللي عندهم تكون ارخص من اللي عندنا هل تنصحوني اشتري من هناك؟
ياليت تردون علي بسرعة الله يجزاكم خير
وعليكم السلام ورحمة الله وبركااته
حياك الله أختي جمانه وتروحين وترجعين بالسلامة
بالنسبة للماي عندهم جميع أنواع الماي وأفضلها يعني عادي لا تشيلين هم
وبالنسبة للأكل في أكثر من سوبر ماركت عربي وفيه جميع أنواع الأكل الحلال
بالنسبة لشريحه الجوال أنصحك بشريحه أسمها ليبارا ممتازة أنا أستخدمتها
وطبعا في كروت أتصال دولي سعره 5 باوند تقدرين تتكلمين فيه من التلفون الأرضي اللي في الشقه
يعني بالشقه أستخدمي التلفون الأرضي للأتصال خارج لندن عن طريق كرت الأتصال الدولي
وإذا كنتي برى الشقه أستخدمي شريحه الليبارا
أتمنى أني أفدتك