قد يكون سبب المشكلة ان الحجزين بأسم واحد
عند عمل اكثر من حجز في نفس الفندق و نفس الفترة المفترض استخدام اسم مختلف في كل حجز لان موقع الحجز او الفندق قد يعتبره تكرار
عالعموم انصحك بالتواصل مع بوكنق او الفندق للتأكد من ان الحجز الاخر موجود تلافيا لأي مشكلة عند تسجيل الدخول
معلومات الاتصال موجود في ايميل تأكيد الحجز
رحلة موفقة

مشكور اخوي منصور
انا كنت بسجل الحجز الثاني باسم ثاني بس المشكله الفيزا باسمي انا فلازم اخلي الحجوزات كلها باسمي
بوكينغ من امس ما ردوا علي شكلي بشوف الفندق وان شاء الله يردون علي
انا الي مطمني ان ماكو ايميل يلغي الحجز

العفو يا اختي
طبيعي الرد ياخذ وقت خاصة في الويكند
لكن اذا مستعجلة كلميهم بالتلفون
موجودين على مدار الساعة و ارقامهم تحصلينها في الحجز

ممكن تحجز باسم والبطاقه تكون باسم احد اخر
زوجي حجز باسمه وبطاقة الفيزا باسم شخص اخر
جربناها مسبقا في حجوزاتنا لدبي
وهذه المره لتركيا كلها بنفس الطريقه

شكرا اخوي منصور و اختي عبير
راست الموقع والفندق وكل شي تمام و لله الحمد والمنه
بس في اشكال ان الفندق طلب مني ارسل رقم البطاقه بالايميل !!
راسلت بوكنغ و ان شاء الله يشوفون حل
بس الاهم الحجوزات جاريه وما انلغت
ومشكورين مره ثانيه

نصيحتي لك اختي معلومات البطاقة لا ترسلينها الا عن طريق موقع الحجز,
و اذا ما انحلت المشكلة عن طريق الموقع فامامك خيارين:
1- اذا كان حجزك قابل للالغاء انصحك تشوفين سعر الغرف اللي حجزتيها في المواقع الاخرى اللي تخصم المبلغ مباشرة من بطاقتك, اذا كان السعر مثل او احسن من بوكنج احجزي في الموقع الثاني و اذا تأكدتي ان حجزك تمام الغي حجزك مع بوكنج.
2- اذا كان حجزك غير مسترد فما تقدرين تلغين الحجز و الخيار قدامك الان انك ترسلي للفندق رسالة توضحين فيها انك سبق و ارسلتي البطاقة عن طريق بوكنج و لا عندك بطاقة اخرى فأما انهم يأكدون الحجز بالبطاقة الموجودة عندهم او انهم يلغونه عشان تشوفين خيارات ثانية. انا سويت كذا مع فندق في تركيا و انتهى موضوعي معهم بأنهم اكدوا الحجز مع انهم يقولون انهم لم يستطيعوا التأكد من صلاحية البطاقة. موقع بوكنج ما راح يسوي لك شي في هالحالة غير انه يسمح لك بادخال بطاقة ائتمان ثانية و بتتكرر نفس المشكلة.
و بالتوفيق ان شاء الله