موضوع للنقاش السيارات في امريكا

ما في احد مرتاح

12-02-2022 - 06:07 am

السلام عليكم ورحمة الله وبركاتة ,,,
اتمنى يكون هالموضوع مرجع للجميع بخصوص اسعار السيارات وانواعها في امريكا ...
اولاً نبدا بسرد اكثر الشركات انتشار في الولايات المتحدة الامريكية

الاستفسارات
ماهي السياره المفضله للطلبه ؟
وماهي افضل السيارات اليابانية او السيارات الامريكية ؟
وكم معدل اسعار السياراة اليابانية والسيارات الامريكية في امريكا عموما وفي كاليفورنيا خصوصا ؟
هل اسعار التامين مثل ما سمعنا غاليه ؟
اتمنى من الجميع المشاركه وبالاخص الاخوه المتواجدين في الولايات المتحدة الامريكية او من سبق له العيش فيها او زيارتها .
ننتظر تفاعل الاخوه

التعليقات (9)

back street

12-02-2022 - 09:51 am

يقولك الشحن الى امريكا بحدود 5000 ريال

m15

12-02-2022 - 10:52 am

back street
انا من جد ودي استفسر عن الشحن من الرياض لامريكا

ما في احد مرتاح

12-02-2022 - 11:53 am

السلام عليكم
اخواني
back street
m15
الله يعطيكم العافيه ... وان شاء الله تحصلون من يفيدكم ...
بالنسبه لي انا ما ابي اشحنها
ابي استخدمها في امريكا بغرض الدراسه
واذا جيت ارجع ببيعها ولا ارميها منيب ماخذها معي

Mac.Mazyad

12-02-2022 - 12:54 pm

في البدايه الموضوع هذا يعتمد على حسب ميزانيتك
انت كم راح تدفع
ثانيا لمن تحدد ميزانيتك تحدد ان ايش راح تاخذ بناء على الميزانيه
بالنسبه للاسعار طبعا السيارات الامريكيه هي الارخص خاصه الشعبيه والدارجه
مثل
فورد توريس دوج نيون كرايسلر سبرينغ فورد فوكس
حلوه ورخيصه
اما اليابانيات
فهي الاغلى مثل كامري هوندا اكورد ماكسيما التيما كورولا
لكن نصيحه لا تتعصب للياباني لانه راح يذلك
اقولكم سالفه
انا اشتريت دودج نيون موديل 2003 كانت ماشيه 68 الف ميل
اشتريتها ب 4000 دولار
واحد من الشباب ماسكه معه الا يبغى ياباني حاول على الكامري ماقدر لان ميزانيته تقريبا 7500
استمر متعصب للياباني اظطر انه ياخذ كورولا موديل 98 ماشيه 160 الف ميل مافيها سي دي فيها كاسيت
شكلها عبيط مره اخذها بقيمة 6800 دولار
في المقابل سيارتي فيها سي دي انوار ضباب مكيف دلع ماتصرف بنزين
عموما هي راجعه للشخص نفسه

أبوفيـصل

12-02-2022 - 01:55 pm

عليكم السلام
شكرا اخوي على الموضوع الجميل
اخوي دكتور فهد انا ان شاء الله قريب راح اكون في امريكا انا واختي للدراسه
طبعا لابد من شراء سياره لزوم التنقل بين المعهد والبيت
وابي سيارة ميزانيتها بين 4الى 5 الاف $
وش تنصحني فيه ؟
ثاني شي اول ما اوصل امريكا لو ابي اجر سياره صغيره على قد حالي لشهر او شهرين الى ان اشتري السيارة كم تتوقع راح ادفع في الاجار ؟
ويعطيكم العافية

fw_kw

12-02-2022 - 02:56 pm

انا بالنسبه لي غير Jeep فل اوبشن وبس في امريكا هذا اللي ينفع لها وخصوصا في الولايات البارده والمثلجه

وش فيك ماجاك

12-02-2022 - 03:57 pm

طيب كل واحد يقول ويسرد معلوماته عن السيارات .. يخبرنا وين اماكن تواجد المعارض في اي مدينه وولايه؟
عشان الفائده تعم للجميع وتقصرون على الواحد البحث المستمر لاماكنها ..
ودمتم سالمين وأشكركم جميعاً على هذا الموضوع المتميز وبالاخص حبيبنا مافي احد مرتاح ...

ما في احد مرتاح

12-02-2022 - 04:58 pm

الله يعطيكم العافيه على هذا التفاعل ...
دكتور فهد
وابوفيصل
fw_kw
وش فيك ماجاك
نريد المزيد وخصوصا اسعار السيارات موديل 2005-2006

Mac.Mazyad

12-02-2022 - 06:00 pm

اولا انا فادي ولست فهد
ثانيا
يعتمد اختيار السياره الى طبيعة الجو في ولايتك
على اي ولايه انت رايح
وبالنسبه للاجار على حسب السياره
على فكره ماراح ياجرونك سياره الا اذا عمرك فوق 25

كاليفورنيا المسافرون العرب

موضوع للنقاش السيارات في امريكا