اهم شي الكاميرات الممتازه واللاب توب لحفظ الصور
واذا بتاخذين قهوه عربي خوذي غلايه خاصه لايجيك دعوه من احد كييف شاي

اب
ياليت تشاركونا خبراتكم
على فكرة..مطار المالديف يسمحوا بدخول المأكولات؟

اهم شيء اختي تاخذين معك السن بلوك واذا حابه السن تان المناسب اعتبره الاهم لاي رحلة فيها جزر وبحر
الشيء الثاني كريم لوشن او بخاخ او لصقات خاصة لطرد الباعوض - تحصلينها في اي صيدلية
على سيرة الصيدلية ناخذ شنطة صغيرة فيها
خافض حرارة
حبوب المغص
فوار فروتي للحموضة
شراب الكحة
فوار سولفادين
اغراضها وانتي عارفتها واهم شيء شاموبوهاتها
واغراضي من مكينة حلاقة وكريم حلاقة برفانات و ديودرانت ومسك ابيض
واسف لذكر التفاصيل لكن مره نسينا بغض الاغراض وكانت جدا صعب ان نجد النوع اللي نستخدمه واللي حصلناه ومشينا نفسنا فيه كان جدا غالي ومبالغ في الاسعار والسبب انه ما عندك في الجزيرة اي خيارات اخرى
اللبس المناسب وكل ما خف وكان فاتح اللون كان افضل.....سليبرس عملية للبيتش
اغراض السباحة من لبس وخلافه مايوه وكاش مايوه الخ .....
واذا معكم اطفال فمهم جدا العاب البيتش والساند و عواماتهم ونظارات وخرابيطهم وماخف وزنه منها
مثل مذ ذكرت ام محمد الكاميرا مهمة وملحقاتها وكمية كروت ميموري كافية
بالنسبة لي ولها هذا اهم شيء ناخذه معنا غير كذا ابدا ما ناخذ اي شيء ثاني
مطار المالديف نعم يسمح بدخول المأكلوت لاني مره صادف شفت واحت فالين له شنطته وكان حتى البسكويت والجبن والتوست جايبه معه

طبعا عدة الغوص بالنسبة لي اهي اهم شي , ويجي بعدها القهوه . معلومات ابو عزيز ممتازه سجليها .