1. اشي زي هيك بيكون تمام التمام..

السلام عليكم ورحمة الله وبركاته..
اخواني واخواتي ...
ابيكم تساعدوني بترتيب رحلتي انا وزوجي لموريشوس.. ان شاء الله بأول شهر نوفمبر
القصد من الرحلة الاسترخاء والاستجمام و محتاجين نغير جو ونقضي وقت اكثر مع بعض ..
بنروح ان شاء الله بين 10 ايام الى 15 يوم حسب البكجات اللي تناسب الميزانية ..
المشكلة الحين بالفنادق .. زوجي عنده شروط معينة وان شاء الله اقدر اوفيها..
اولا: ما يبينا نبدل الفنادق وايد .. ولا نتنقل وايد "متعقد من سفرتنا لماليزيا اتنقلنا 7 مرات تقريبا بالطيران الداخلي+الدولي وضاع الوقت بالمطارات" ..
بس حسب ما قريت من تقاريركم لازم نتنقل بين مرتين و3 مرات ع الاقل ... عشان نوصل للأمكان السياحية
ثانيا: خاطره نحجز بووتر بنجلوز .. من باب التغير عن السويتات العادية.. دورت بس ما لقيت مثل اللي ف خاطره ف موريشيوس .. اذا تعرفون فنادق فيها الووتر بنجلوز خبروني ..
لقيتهم بس ف المالديف وصعب نجمع بين الجزيرتين ف نفس الرحلة..
^
^

اشي زي هيك بيكون تمام التمام..

عشان هالسبب نبا الفنادق (خمس او اربع نجوم) وتكون قريبة من الانشطة السياحية و ف نفس الوقت مهيئة وهادية للأسترخاء ..
ملاحظة: من الفنادق اللي لفتتني من مواضيع الاعضاء وخاصة موضوع اخوي المشرف aboaziz فندق بيل مار ف الشرق .. يعني اذا تنصحوني فيه,, من ناحية الموقع بحيث يمكن الوصول لعدد كبير من الانشطة من خلاله فيه احتمال ايكون احد اهم اختياراتنا..
لان الصور ف الموضوع خبلت بي..
شي ثاني .. توني ذكرته...
شو هي الانشطة اللي ممكن نسويها ع راحتنا وبروحنا يعني بدون ما يكون معانا مرافق ولا السايق ..
يعني في مكان مثل حديقة او جبال ممكن نستكشفها بالمشي، نبا نعيش المغامرة ؟؟؟
ساعدوني الله يخليكم وربي يجزيكم الجنة ...