- انا قريت الموضوع واعجبني فكرته.
- بسم الله الرحمن الرحيم.
- على بركة الله ابدا انا :
- الموقف الثاني:
- الموقف الثالث: "وهذا لحاله الطامه الكبرى"
السلام عليكم ورحمة الله وبركاته
اولا احب انوه ان هذا الموضوع مقتبس من البوابه التايلنديه من الاخ / الحوسني مشرف تايلند. وهذا للاامانه الادبيه ولحفظ الحقوق. فااتمنى انه يسمح لي.
انا قريت الموضوع واعجبني فكرته.
بسم الله الرحمن الرحيم.
في هذا الموضوع نكتب مواقف طريفه وغير متوقعه تحصل للواحد اثناء السفر من تأخير موعد الاقلاع ومفاجاه السكن في الفنادق تم حجزها وكذلك من زيارة مواقع تم الترتيب اليها وفي النهاية تمنى الشخص عدم الذهاب اليها وغيرها من مواقف تحدث وغير متوقعه للمسافرين حدثت لهم اثناء تواجدهم في المطار وكذلك في بلد العمه شاركونا في مواقفكم حتى نستفيد منها واخذ الحيطة والحذر اثناء سفرنا الى اندونيسيا.
على بركة الله ابدا انا :
انا حصل لي ثلاث مواقف لان انساءه ابدا. ودائما اذكر فيها التماسيح الااربعه اللي سافروا معاي.
الموقف الاول: احد اعضاء الرحله كان يتصف باالبرود الشديد. وكنت احرص عليه دائما انه يخلص اموره بسرعه. وقبل السفره بيومين .وكنت كل يوم اشيك عليه لدرجة اني زهقته. حتى ان التماسيح الاخرين قالوا خله على راحته. بس تعرفون اخوكم حار :112:ولا يحب التعطيل ابد. وانا عندي تجارب مع هذا التمساح من قبل. المهم اتفقنا على مغادرة البيت الساعه 6 المغرب لان طيرتنا الساعه 9:30 مساء.لاني كنت حاسب احساب زحمة الكونترات والجوزات في المطار. المهم ما طلعنا من البيت الا الساعه 7:10 مساء.لان ابو الشباب كان يبي يتسبح .لا وكان عنده مشكله في القمصان يبي وسعاها لانه ماشاء الله دب ويزن تقريبا بدون مبالغه فوق 170 كيلو "ماشاء الله عليه" .فا تخيلوا كنت اطق عليه باب الحمام "اعزكم الله "عشان استعجله "قلت لكم دب". المهم انطلقنا بعد ما ارتفع ضغطي .وسبت في السفره ولعنت.
الموقف الثاني:
طلعت الى الشارع التجاري القريب من البيت واحضرت مني باص "عشان اغراضنا والعزبه. المسافه من البيت الى المطار الملك فهد باالدمام تقريبا اكثر من 30 كيلو. ومثل ما ذكرت لكم قبل ان تحركنا من البيت 7:10 مساء تقريبا. وكنت طول الطريق ساكت. حتى ان الشباب يضحكون علي ويعلقون.وكانوا يقولون لا تخاف راح نلحق على الطياره ونسافر. وفي اثناء المشاور طف علينا الباص. تخيلوا يااخوان الباص خرب وحنا في منطقه مقطوعه من الخدمات.وانسى احد يوقف لك. السواق البنقالي اختبص.انا ارتفع الضغطي عندي يمكن مليون. "والله بغيت انزل من الباص و ووقف في نص الشارع عشان اجبر السيارات اللي ماره انها توقف. بس ربك كان حليم وروف فينا. فيه واحد من التماسيح اللي معانا هواية التعبث في السيارات ويحب المكانيكا والكهرباء والسوالف هذي. على طول قال لسواق الباص. طف المكيف طف الاانوار. دق سلف "الحمدالله اشتغلت السياره".قال للبنقالي "انتبه اتشغل الانوار او المكيف انت عندك التماس "او حاجه مثل هذي". والله يااخوان اني تنفست الصعداء "اللي كنا نقراءه ايام الدراسه" لما مشا الباص وقفني عند بوابة الصاله الدوليه.
الموقف الثالث: "وهذا لحاله الطامه الكبرى"
بعد مانزلنا من الباص حطينا ارجولنا على كونتر اتحاد الامارات.والحمدالله ما كان فيه زحمه ابد. المهم موظف خطوط اتحاد الامارات كان شخص طيب. اول ما حطينا العزبه. صرخ فينا قال وش هذا.قلنا له وش فيه ياابوالشباب. قال وزن العزبه كثير "كان تقريبا 54 كيلو" .المهم هو جزاه الله خير على طول قال لنا روحوا الى محل التغليف ونزلوا العزبه الى 30 كيلو والزائد حطوه في كرتون لحاله وغلفوه. حنا استانس على مساعده. بس "يافرحه ما تمت"
بعد ما رجعنا له وعطيناه التذاكر .ابوالشباب طول على الجهاز.انا قلت الله يستر. طالع فينا قال ياشباب فيه ثلاثه منكم حاجزين مع بعض "يعني لهم حجز واحد".هذولا ما لهم اي بيانات في السستم. ام الرابع "اللي هو انا" فاحجزي اوكيه. تعال شف وجيهنا بعد هاالسالفه.كلنا قمنا انطلع لتمساح الدب لاانه هو اللي حاجز لشباب اللي معاه.
المهم رحنا لسوبرفايزر وهو للاامانه بعد ماقصر "حاول لنا ودخل على السستم .ودق على المكتب اللي احجزوا منه الشباب.وكلم الهندي اللي سوانا الحجز.وقام الهندي يتهرب. المهم طولت السالفه الى حد ما موظفين اتحاد الامارات ازهقوا منا. وحنا الله يكون بعونا "قررنا انكسل الحجز ونهون عن السفره كلها.والفلوس الله يعوض علينا".
المهم التمساح الدب البرد كان يدق طول الفتره على الهندي ويترجاه. الزبده بقى على الرحله تقريبا ساعه وتقفل "والوقت يمضي سريعا علينا"والااعصاب مشدوده. قمت واخذت التلفون من التمساح البرد ودقيت على الهندي وهددته اني راح انحره قدام المكتب اذا ما طلعنا على الرحله. المهم قام يتوسل لنا انه بيحل المشكله بعد 10 دقايق. شوي الا هو يكلمنا ويقولنا شيكوا الان.المهم فيه موظف في طيران اتحاد الامارت صغير في العمر من اهل شقراء "الله يوسعها عليه" هو اللي شيك لنا لان فيه احد الموظفين هندي رفض انه يشك يقول تعبت منكم. والحمدالله شاف الاسماء واصدر لنا البردنق على طول.
بس قالنا انتبهوا ترى نفس المشكله راح تصادف الااشخاص الثلاثه من جاكرتا في الراجعه. انا على طول دقيت على المكتب وهددت الهندي مره اخر. وقالي ابشر راح اكد حجزكم في العوده.
المهم لما رحت الجوازات لقيت طابور طويل عريض من الخدامات والسائقين الاندونيسين "يعني راح تروح علي الرحله مافيه كلام".المهم قعد اتلفت يمكن اعرف احد من الجوازات او شي. شوي الا واحد من التماسيح يقولي شف جاركم عند مكتب اتحاد الامارات. وطالع الا والله هذا جارنا اللي يشتغل في جمارك المطار. وانصاه وانخاه. قال ابشر. وعلى طول يكلم لنا واحد من عسكر الجوازات يعرفه. وجزاه الله الف خير خلنا ختم لنا بدون لا يشوفونا ابد. "يعني حنا ما غير نعكس السير ونطامر من فوق السياجات الا امنيه ههه.
والحمدالله دخلنا الطياره قبل الااقلاع ب20 دقيقه.
واسف على الا اطاله يااخوان.
وفي انتظار مواقفكم.
وشكرا
