السلام عليكم ورحمة الله وبركاته ::
حياك الله اخوي ..والله ييسرلكم سفرتكم.
بالنسبة لأقرب موقف عام للفندق هي مواقف مرفأ الاوشي ..وتبعد تقريبا 300 متر عن الفندق .
ممكن الفندق يتكفل بايقاف السيارة ..وممكن انت بنفسك تروح توقفها ..تعتمد على سياسة الفندق .
كانت لي تجربة مع فندق سويزوتيل في بازل ..وليس له مواقف خاصة ..ويتعامل مع المواقف العامة القريبة منه ..ماخذ دور كامل في المواقف ..ولأن الفندق فايف ستار كان يتكفلو بايقاف السيارة .
اخوك راح يوقفها بنفسه ..وكانت ارخص من اني لو طلبتهم يوقفوها لي .
على العموم ..هذه تسعيرة الموقف في الاوشي على هذا الرابط :
http://www.pms-parkings.ch/uploads/parkings/tarifs/tarifs_port_ouchy.pdf
وهذا الموقع بيفيدك مستقبلا في اي موقف ودك تدور عليه في اوروبا عموما :
http://ch.parkopedia.com/parken/lausanne/
والمواقف عموما امنة باذن الله ..لا تشيل هم ..واذا لا قدر الله صار شي للسيارة ..التأمين موجود ..يغطي .
والمواقف العامة هذه تكون ادوار او بيدروم ..بعضها مكشوف ..والبعض مقفل .
مو زي اللي تجيك في الشوارع ولها مدة زمنية محددة ..لألأ ..هذه غير ..نفس اللي في المولات عندنا .
اول ما تدخل المواقف يطلع لك الكرت ..وتحتفظ فيه .
وانت خارج ..تروح لمكينة تسديد رسوم الموقف ..ويعطيك مدة زمنية ..ما اتذكر كم بالضبط ..ممكن خمسة دقايق ..لحين الخروج من المواقف .
اتمنى اكون افدتك ..ورحلة سعيدة باذن الله .
وبالتوفيق

جزاك الله خير
اجابة كافية و وافية
بارك الله فيك