بالنسبه لي راح أفيدك عن طربزون لأني استأجرت منها سياره هي وانطاليا
طبعا الي تحتاجونه فيزا والرخصه السعودية الجديده لانها مترجمه وأبشرك تراهم حتى انجليزي مايفهمون مثل اناس
فقط لااحد يقولك غير هالكلام انا مستأجر
طبعا اماكن الايجار من المطار وانصح بشركة أفيس اول ماتشيلون شناطكم وانتوا طالعين للباب الخارجي قبل ماتطلعون شوفوه على اليمين مكاتب كثيره واذا عندكم ايفون يكفي عن القارمن انا جربته اسمه نيفيقون خاص بتركيا وبالعربية ويتكلم عربي بعد جدا ممتاز واذا بغيتي الإحداثيات ابشري
بالنسبه لاوزنجول يشتغل معاك الين منطقة أوف الي تلف من عندها يمين لاوزنجول ولا عاد اشتغل في المنطقه هذيك بس ماتحتاجونه مجرد ماتلفون يمين مع أوف على طول 40 كيلو تقريبا وتوصلون لاوزنجول
وأي خدمات حاضرين للطيبين*

ايه تكفي نبي خدمات يا بوسارة تكفى
انا حاط في جدولي 5 ايام لطرابزون وماجاورها
على كم الاجار هناك ؟ وهل احجز سيارة من هنا افضل ؟ هل احتاج سيارة في طرابزون ؟ هل اذا رحت اوزنقول احتاج سيارة ؟ لاني بستأجر 5 ايام فااخاف ادفع قيمة يوم ولا استفيد منها في اوزنقول ؟
البنزين كلف عليك كم ؟ بمعنى 5 ايام كم بيطلع الاجار و البنزين ؟ وهل فيه تأمين؟
احنا شخصين فقط انا والمدام ؟

للرفع مع التحية
ونكون شاكرين

يعطيك العافية يا أبو سارة ...أوكي أبغى استفسر وش تنصحني بنوع السيارة؟
هل سيارة الدفع الرباعي ضرورية لأن فيه طرق وعره؟
وكم تقريبا اجار السياره في اليوم؟

انا استاجرت سياره من بدجت لمدة سبعة ابام من مطار طرابزون بتسعين ليره اليوم يعني مائتين وخمسه وعشون ريال ولايحتاج رخصة دوليه والبنزين تاخذ السياره فل بنزين وترجعها فل هذا نضامهم واي خدمه حاضرين

كم يكفيك البنزين ؟
كم مرة عبيته فل ؟ وبكم الفل ؟

هلا اخوي اذا انت بتسكن في اوزنجول ماتحتاج السياره
بس طربزون ضروري
بالنسبه لي سكنت بطربزون واروح واجي لاوزنجول فيه مناطق ثانيه مدحوها الشباب بس انا مارحت الا لطربزون واوزنجول
عبيتها فل تقريبا ب 150 ليره تقريبا ب 350 بنزين الي اخذتها طبعا ورجعتها فيها زياده بعد
فيه سيارات ديزل انصحك تاخذ من مكتب افيز avis كتابتهم بالاحمر هذولي نظامهم يعطونك السياره بنزين فل وترجعها لهم فل هذا احسن نظام بالنسبه للدفع الرباعي بالنسبه لاوزنجول ماتحتاجه الطريق معبد مافيه الا كم تحويله اصلا الطريق ممتع كله انهار تصب ووناسه
انصحك تاخذ من هنك انا اخذت السياره عن طريق الانترنت طلعت اغلى يوم وصلت حصلتها باقل يعني 79 ليره
بس اذا بتطول في طربزون نصيحتي خذ سياره وناسه وتراها ماتضيع ابد واذا عندك قارمن ماراح تضيع ابد وحتى بدون قارمن الطريق واضح
طربزون كلها الطريق العام على البحر يعني المدينه على يمينك والبحر يسارك الين يجيك مفرق اوزنجول بعد 40 كيلو تف معه واربعين كيلو ثانيه الين توصل اوزنجول
واي سؤال انا تحت امركم

نصيحتي
وهذا رايي الشخصي انا يوم رحت لاوزنجول وشفت السكن هناك قلت زين اني ماسكنت هناك في الليل شكلها موحشه وبرد وانا سبحان الله مايجيني نوم برا لديره الا بالقوه يعني لازم فندق ومو اي فندق فنصيحه الي مايقدر يمشي الحال
يسكن في نوفتيل فندق رايق وله شاطئ خاص تقدر تجلس بالليل
وتروح لاوزنجول وجميع المناطق بنفس اليوم وترجع كلها قريبه ومتعه التمشيه بالسياره هناك
مجرد راي

moon-2011
صح نسيت اقولكم اذا بتروحون لطربزون اتوقع بورصه مالها داعي