مشالله عليك ياباسل ناوي ذبايح وطبخ ونفخ ... على فكرة بكم تأخذ الذبيحة في مانيلا ووين محلهم ؟؟

معك واحد تيس بس دلونا على الحلقه ترى رايح يوم 2-8 الله يحييكم

يالنشاما فيه واحد في مانيلا اسمه ابو الغازي يبع بس غالي شوي بس المستعجل ماتفرق معه اعتقد فلسطيني انا اخذت منه كم مره والسعر بعد الماحط والصك 1100 بيسو بس عطه الكرش والراس والمصران يغني الضحى من البسط وهي ماهي كبيره مثل تيوسنا كنها جن بس عليها طعم يجب البس من مالطا وتلفونه عندي

باسل ينشمي عطنا عنوانه وتلفونه بليز ترى اخوك ما يصبر عن المرقه

اخوي باسل عطنا الرقم ترى ملزومين بالتيوس في مانيلا
وهل ابو الغازي يقوم بالتوصيل والا لازم نروح له
عجل علي ترى رحلتي الاربعاء
ومشكور مقدما

أنجليس ما خبرت فيها بياع تيوس
جبت تيوسنا معنا من مانيلا
وشف باقيها في ثلاجة مطعم ( Red sea ) البحر الأحمر في أنهليس
وأبشرك ذابحها بيدي ومسمي وذاكر الله
مايحتاج أوصف لك المطعم لأنه في شارع الهبال قدام محل
( Blue Nile )
على فكرة هذا المطعم يجيب التيوس من مانيلا ويذبحها واحد مسلم
يشتغل عندهم في فرع مانيلا أسمه ( أحمد )
نصيحة
بقدر الإمكان لا تعتمدون على أحد في ذبح الذبيحة
يفضل تذبحها بنفسك علشان تأكل بنفس ومتعة
اسال مجرب ذابح أمس تيس ومسوي حميسه تجيب العافية
والغداء مرقة ماودك تخلص
ولله الحمد
دمتم بعافية

مسافر بلا محطات
طيب عطنا رقم وعنوان اللي يبيع التيوس بمانيلا

ظليم الشووق
أبشر من عيوني بكره تلقاه محضر عندك هنا
المشكلة في رقم التلفون ولا العنوان أزهله
حط رجلك في شارع
أدرياتكو
وخل الريبنسون في ظهرك كأنك رايح لمكاتي
قبل يصير الطريق أجباري يمين ولا يسار لأنه يصير ون وي للقادم من الجهة المقابلة
تحصل الحوش مدخله صغير على اليمين
طب وتخير البيع بلاكيلو
يوزن التيس قبل الذبح ويحسبه
والأسعار مكتوبه على لوحة عن باب الحوش
ولا تهمك الأسعار كاسر
المهم الأسعار بين
1600- 2500
حسب حجم التيس
دمتم بعافية
دمتم بعافية

اخي باسل
لا اعرف مكان يبيع التيوس ولكن اعرف بعض المطاعم الشعبيه التي تبيع لحم التيوس واعتقد انهم اقرب ما يكونون للنظافه وهم عباره عن عوائل محافظه بالعرف الفلبيني المطاعم بانقليس قريبه من كلارك اذا كنت بشارع خاز باز اتجه جهة الشمال واترك المحلات خلفك بعد كذا بيجيك حديقه بخمسين متر بعدها ستجد هذه المطاعم مقابله لك اسعارهم متوسطه ومقبوله يبيعون لحم تيوس مطبوخه وشكرا لك