1. ناوي اجلس ان شاء الله 18 يوم بين المانيا والنمسا


2. راح ابتدي بميونخ وانتهي بفيينا

السلام عليكم جميع بدخل في صلب الموضوع
ان شاء الله ناوي على السفر في تاريخ 10 جون على الخطوط المصريه واخترت المصريه لانها الارخص حيث اني حصلت السعر للشخصين انا وزوجتي بتقريبا 3200 ريال شامل الضريبه وكل شي بس لسى ماحجزت

ناوي اجلس ان شاء الله 18 يوم بين المانيا والنمسا

راح ابتدي بميونخ وانتهي بفيينا

ابي اجلس في ميونخ و قارمش ومادري هل اجلس في قارمش وازور ميونخ يومين لان خاطري اجلس في قارمش والاهم في المانيا ابي اروح اليورب بارك بس شكلها مشوار من ميونخ او من قارمش لاني شفت المسافات بين ميونخ ورست وبين قارمش ورست وماخاطري اجلس في رست فكيف الحل
النمسا
طبعا ابي اروح زيلامسي -كابرون- بس مادري كم الفتره الا المفروض اجلس فيها واخر شي فينا
انا المخطط الا في بالي 5 ايام ميونخ اوقارمش و5 ايام فينا وباقي 8 ايام وين اروح فيها
مابي اروح لا سويسرا ولا فرنسا لاني رحتهم العام
افضل وبقوه اني اروح اماكن ريفيه لاني بجلس في ميونخ وفيينا وهم مدن فماعندي مشكله اروح اماكن جديده ريفيه وماحد راح ليها من قبل
طبعا راح استاجر سياره وحصلت اسعار سكست وعرفت اني لما اخذ السياره من المطار رح تطلع عليي زياده 170 يورو ضريبة المطار ... انا في بالي اخذ السياره من ميونخ وارجعها الى فولرلايسنق القريبه من سالزبروغ
الميزانيه اذا الله اراد وسهل في حدود 30 الف ريال طبعا الفنادق انا راح اشوف سالفتهم لان مايهمني ولا شي فيهم الا النظافه والفطور والموقع مش مهم كثير لان عندي سياره وانا جالس ادور فنادق متوسطه
في بالي شي انا اعرف اسعار اجار السيارات بس هل راح يكون فيه متعه اني اخذ سياره كشف يعني يفتح الكشف (السقف) حقها بالكامل هل فيه متعه
ماعندي اي مشكله للسواقه وحتى مسافات طويله لاني مجرب هالشي العام بين سويسرا وفرنسا ومسافات كانت طويله
اسف لاني طولت بس اتمنى تساعدوني
هل احجز من الحين او استنى شهر قدام حق ندخل 2011 ونشوف الاسعار
والله يرحم والديكم مقدما