السلام عليكم ورحمة الله وبركاته
كل عام والجميع بصحه وعافيه يارب
اخواني واخواتي حابه أحد يفيدني
ويساعدني بغيت رحله لشخصين لتركيا
انا ولا مره سافرت برى السعوديه
ابدا
سافرت قبل 6 سنوات للبحرين ساعتين وطلعنا
يعني لا شغل فيزه ولا شغل حجوزات ولا شئ اعرفه
ف الله يخليكم ساعدوني بكل شئ
زوجي طفشان مني لاني احن عليه لازم نسافر
وو قالي خلاص اخلي كل شئ عليك ومالي شغل
بشئ رتبي كل شئ انتي لحالك .
وقلت خلاص اهم شئ اسافر واطلع
اللحين بغيت تعطوني كل شئ يخص السفر
من الحجوزات والتنقل والروحات والجيات
والفيزا مدري التأشيره والله اني اقرا كلامكم ولا ادري وش تقولون ...
ع العموم انتظر مساعدتكم لي واشرحولي كأني طفله
عادي جدا
ووضحولي كل شئ
رحلتي بتكون من هنا الرياض الى تركيا لمدة 7 ايام
واذا فيه شخص ممكن يفيدني بسعر تذاكر أقل سعر كان انا وزوجي فقط وله عمولته انا جاهزه ..
بغيتها بهالتاريخ
- 2012م
يوافق
- 1433 ه
وياليت يوضح لي كل شئ من خلال هالرابط يعني ابغى اعرف كيف اقدر اروح ع الباصات واجي وهل لها وقت محدد و حجز ولا عادي اركب اي وقت
https://artravelers.com/p/re/649878
وانا افكر اخليها بنفس رحلة صاحب الموضوع
بالضبط لانه موضح كل شئ ماشاء الله عليه
انتظر افادتكم الله يخليكم ..
انا بساعدك باللي اقدر عليه
انا زيك يوم رحنا رتبت كل شي والله كنه اختبار اقرا واكتب والحمدلله كانت روحه سهله ميسره يارب لك الحمد
اول شي حددي المدن الي تبين تزورينها
مثلا اسطنبول وبورصه 000 اسطنبول وابانت 00
لان مدتك 7 ايام ما انصحك تتنقلين بأكثر من مدينتين لان كثره النقل يفقد المتعه
وانا بعطيك روابط الفنادق واماكن التمشيات وكل شي سهل لا تشيلين هم
بالنسبه للطيران احجزي على الارخص وقبل بمده كافيه الخطوط التركيه او ناس