الف شكر اخوي faisalooh
انا بصراحة ناوي اروح على الخطوط التايلندية في شهر اغسطس
فا ياليت تذكرلنا كيف كانت الرحلة معك و ماهو مستوي الخدمة في الطائرة

معلومة مهمه للغاية
اشكرك جزيل الشكر اخي الكريم
تحياتي لك

بعد اذن اخوي الكريم
الطيران التايلندي قمه في الروعه من حيث الخدمه لأني جربت اروح من بانكوك الي بوكيت ب 9000 بات تذكرتين
وعلى فكره حجزته من مكتب سفريات جدام فندقنا

انا دشيت علي موقعهم الاكتروني (الطيران التايلندي ) ووجدت لديهم بالنسبه للوجبات تقدر تختار وجبه اسلاميه ... فهل فعلا هذا صحيح ... يا ليت الي جرب الطيران التايلندي يرد علينا ..

الطيران ما عليه
وصار لنا موقف يضحك ويخوف
كنا مسافرين من بانكوك الى بوكيت و بنص الطريق قالنا الطيار ما نقدر نكمل المشوار لان الحين في امطار كثيره بمطار بوكيت وبنجلس ندور شوي ومعنا بنزين لمده ساعتين بندور شوي ان زان الجو كملنا رحلتنا ولا نرجع لبانكوك
المشكله امي ما تعرف انجليزي وانا مخروش شوي وجالس اقولها الخبر بطريقة تخلي الي ما يخاف يخاف
بس الحمد لله بعد ما دار شوي رجعنا وكمل المشوارطريقت حجزنا كانت من مكتب سياحي في بانكوك بس المشكله ناسي سعر التذاكر

السلام عليكم
ياليت اخوى تحط عنوانهم لتعم الفائده

إي والله أخوي faisalooh يا ريت تحط العنوان . فعلا فرق السعر يستاهل لا ودرجة رجال أعمال بعد .
أنا جربت الطيران التايلندى بس على الدرجه السياحيه والخدمة كانت أوكي وان كان تقديم الكحول و الخمور عندهم بزياده و الكراسي كانت very small يعني متعبه جدا للرحلات الطويله .
اما الوجبات فقالوا لنا الأكل فور مسلم يعني حلال فهم على ما أعتقد يحسبون حساب المسلمين و الوجهات الي يتجهون لها او ينطلقون منها .
تحياتي ..............

أولا احب اشكر كل من تفضل وساهم في هذا الموضوع .... الصراحه انا تعمدت ما احط عنوانهم في البدايه لان المهتم راح يدور علي الموقع وراح يلقاه بسهوله .. لانه الموقع الرسمي للخطوط التايلنديه ...
ثانيا .. انا كنت خايف من سالفة الاكل بس الصراحه لما شفت الاختيارات في الوجبات لقيت اختيار "وجبه اسلامبه " قلت الحمدلله وتوكلت وسويت كل حجوزاتي انا والاسره .... يا جماعه العمليه كلها ما تاخذ 10 دقايق ... ةبمجرد ما يتم التاكد من الفيزا .. يدزون لك رقم الحجز الاكتروني ... والاسعار اقل من النص اللي عند مكاتب السفر ومثل ما قلت قبل درجة رجال الاعمال ... اتمني ان تسير الامور علي خبر لاني مسافر اليوم ( بالضبط بعد 6 ساعات ) وراح اعطيكم شنو صار معاي بعد ما ارجع .. اذا الله راد وكنا من الاحياء....
اخيرا علشان ما تزعلون ... هذا هو موقع الخطوط التايلنديه http://www.thaiair.com/ ويوجد فيه خيار " Book you flight and buy ticket " والذي يجب استخدامه للحجز الالكتروني

صح كلامك وانا بعد مجرب
سام