السلام عليكم
فيه من بينانق الي بوكيت مباشره عن طريق طيران الفاير فلاي
http://www.fireflyz.com.my/
المده الزمنيه من كوالالمبور لبالي حدود ثلاث ساعات تقريبا
بالنسبه للمده و تقسيمها علي ثلاث دول تكفي بس مرهقه شوي
ودام معك بس اولادك فأشوف تلغي بالي دامك بتروح بينانق و بوكيت
لان كلها جزر و اعتقد جزيرتين تكفي

بارك الله فيك
يعني نخليها بوكيت وبنانق... ايش رايك لو نخليها بوكيت وبنانغ ولنكاوي بحكم اني ما زرت لنكاوي ولا مرة وكم يوم يكفي لزيارة لنكاوي ؟

المدة من 21/6 ( الوصول ) وحتى المغادرة 4/7 وليست 14/7 ( اعتذر عن الخطأ )

السلام عليكم
المده ماشاء الله طويله و حلوه بس الجدول يعتمد علي طيرانك الدولي هل بيكون علي ماليزيا
او علي تايلند عشان يترتب الجدول اذا باقي ماحجت شيك وشوف واتوقع تحصل علي تايلند
ارخص و اكثر توفر لان فيه زحمه علي ماليزيا بس ماعرف من الكويت كيف الوضع
عموما لو وصولك علي ماليزيا و الرحله حق الاطفال و انت
ليلتين سيلانقور -- 3 لنكاوي -- 4 بينانق -- 4 بوكيت -- 4 بانكوك -- 2 جينتنق -- 4 كوالالمبور
اما لو وصولك لتايلند
4 بانكوك -- 4 بوكيت -- 4 بينانق -- 3 لنكاوي -- 2 جينتنق -- 6 كوالالمبور يكون يوم لسيلانقور
او ممكن لما ترجع من لنكاوي تجلسوا بسيلانقور ليلتين عشان الالعاب المائيه و ممكن تزوروها من كوالالمبور
و تقدر لو حبيت تشيل لنكاوي يمكن تصلح عائليا و معاريس اكثر وتروح سنغافوره 4 ليال
فيه اجمل حديقة حيوانات و فيها سفاري جميل جدا و المارينا و جزيرة سانتوزا لو حبيت
او تخليك علي الجدول الاول اشوفه مناسب

جزاك الله خير يا اخوي الكبير زازا
هل تعتقد بان سنغافورة تستحق الزيارة وان كان كذلك هل نحتاج الى فيزا من السفارة من الحدود او من المطار
بارك الله فيك

السلام عليكم
الله يحييك يأخ حمد
بالنسبه للفيزا مطلوبه علي السعوديين من السفاره او القنصليه
اما الكويتيين والله ماعندي فكره و اعتقد ماهو مطلوب عليهم بس
مثل ماقلت ماني متأكد الافضل تستفسر من السفاره او من اي مكتب سياحي يعلمونك
وهي دوله صغيره و لكن متطوره بشكل رهيب وفيها مزارات و اماكن مميزه جدا
ممكن تدخل قسم بوابة دول آسيا الاخري وشوف تناسبكم او لا
ونصيحه تراك متأخر و الاسعار طايره و توفر الرحلات الداخليه و الفنادق بيقل فاستعجل

هل مطار الفاير فلاي هو نفسه مطار بنانغ الدولي وكم الوزن المجاني المسموح به وهل يقدم هذا الطيران وجبة مجانية ام لا؟

السلام عليكم
نعم المطار في بينانق هو نفس المطار لجميع الخطوط بس لهم كاونتر خاص واضح بإسمهم
مطارهم في كوالالمبور اللي يختلف يقع بصوبانج مطار السلطان عبدالعزيز شاه
اما بينانق ولنكاوي نفس المطار
ويعطون 20 كيلو مجانا شحن