1. السلام عليكم ورحمة الله وبركاته ..


2. انا وزوجي فكرنا بالسفر الى النمسا وسويسرا وبالسياره الى المانيا ..


3. فترة السفر 25 يوم ..


4. طبعا لين الحين ماقدمنا فيزا ولا شي ليش ؟؟ لان ماعندنا تخطيط عدل ..

السلام عليكم ورحمة الله وبركاته ..

انا وزوجي فكرنا بالسفر الى النمسا وسويسرا وبالسياره الى المانيا ..

وبعد كل اللي خططنا له وكثره المناقشات ومب عارفين وين نروح ووين نجي ولا عارفين وين الناطق العدله بو الشباب هون قالي انا تعبت وفر راسي من زود التفكر خليها سفره ثانيه وبصرااحه لي كم سنه ولا بحاصله لي فقالي اذا تبين تروحين خططي لها تخطيط عدل ومحترم ووريني اياه جاهز وانا مستعد بالباقي >> وبصرااحه حتى انا موب فاضيه عليا اختبارات نهائيه بس حكم القوي على الضعيف فقلت احسن شي ادخل العرب المسافرون واكييد بيفيدوني ولا بيقصر ون علي ..
الزبده ابي اروح مناطق شفتها في التقارير وابي تنسيق حلو ومريح ..

فترة السفر 25 يوم ..

طبعا لين الحين ماقدمنا فيزا ولا شي ليش ؟؟ لان ماعندنا تخطيط عدل ..

المهم المدن اللي ابي اروحها ( هايدي لاند _فينا _ميونخ _ زيلامسي _ انسبروك _ انترلاكن _ زيورخ )وشنو المناطق اللي انا ماذكرتها وحلوه وشنو ازيد وانقص .. انا شفت تقرير في منطقه حلوه ومو عارفه شنو اهي .. وهذا هوا الرابط ( https://artravelers.com/p/re/337072 ) ..
واذا ماعليكم امر ابي تنصحوني بالفنادق من فئه 3 او 4 نجوم بشرط تكون مريحه ونظفه ومظمونه ..
وبالنسبه لتأجير السياره شنو الاحسن نأجر من الدمام ولا من النمسا ووين احسن وارخص منطقه ناخذ منها السياره ..
س/ شنو المنطقه اللي فيها ثلج حق التزلج فوق الجبل لاني ناويه اروحها س/ وبالنسبه للحجز الطيران شنو احسن منطقه اوصل لها وشنو المنطقه اللي ارجع منها للسعوديه .. واي افضل اروح النمسا اول ولا اروح سويسرا اول .. للعلم انني ابي اقضى اكثر الاياام في النمساا
وفي النهايه اقوول اسفه على الاطااله بس منو الجأ له في السؤال غير المجربين ..
ولي منكم بظهر الغيب الدعااء ..
ولا تقصروون علي بالاجاابه لان ماكوو وقت ..
وشكراا