بسم الله الرحمن الرحيم
عندما بدأت العمل في مجال (( .... )) أحببت هذا المجال لا أدري لماذا ولكن الحمد لله الذي ألهمني ووفقني
لأن أستمر في هذا المجال رغم المعارضة الشديدة التي وجدتها " أخس يالحزبي "
إلى درجة أنني لجأت إلى المولى عز وجل بأن يصبرني ويوفقني ..
ودائما أردد قول الله تعالى (( إن الله لا يضيع أجر من أحسن عملا )) ..
كل إنسان إذا أراد الوصول إلى النجاح عليه أن يعرف نفسه وإمكاناته ولكي يصل يجب عليه أن يطور الأشياء التي لديه
ضعف فيها ..:11ight_li
وطبعا أغلب الشباب السعودي نقطة ضعفه اللغة الإنجليزيه .. نلتقي في الضعف ونختلف في الرغبة ..
قوة فلسفة ...
وعشان تتعلم صح لازم تسافر عند أهل اللغة وتتعلم .. الفكرة عندي من زمان بس الظروف ماكانت تسمح ..
إلى أن وصلت إلى مرحلة إنه لابد السفر ..
ولم يكن أمامي سوى أن أتصرف.. ماشاء الله جبتها ..
قررت أن أبيع سيارتي وأستفيد من المبلغ على اللي عندي وأتوكل على الله .. شدوا ..
طبعا الوالد الله يحفظه أيدني على السفر عكس الوالدة الله يحفظها كانت متحفظة شوي .. بس الحمد لله تيسرت ..
في البداية كانت وجهتي على بريطانيا رحت الملحقية على أساس أخلص إجراءات التأشيرة بس كانت راح تتأخر
التأشيرة وشروطهم تحس ان فيها تعقيد شوي
المهم قلت بلا بريطانيا بلا برود وغطرسة وراح تندمي يا أليزابيث ؟؟؟ وش دخلها ؟؟؟ مدري ..
المهم قلت يا علوش ما ينفع لك إلا نيوزيلاند بلا تأشيرة بلا كلام فاضي عفشك والجبل " متأثر بالتكارنة "
كلمت الأخ وهيب ونسق الأمور وما قصر وحجزت بتاريخ 8/5/2009 على الخطوط السنغافورية الرحلة كانت
الساعة 9 مساء والحضور قبل الرحلة بساعتين .. الوكاد لاطشها من الشمري ودعت الأهل بكل حزن
وكنت عجل أخاف تخونني العبرة وأنا اودع أهلي همس لي الوالد : تقسم بالله إنك ذاهب من أجل تتعلم
لحظتها وفي أقل من الثانية دعوت الله أن يبيد كل إرهابي ومتطرف وأن لا يبقي كل ليبرالي ..
طبعا سألني الوالد السؤال هذا على طريقة ( ولكن ليطمئن قلبي ) .. الحمد لله لم ولن أخيب ظنه بفضل الله ..
أخذت شنطي وكان صديقي متعب تكفل بتوصيلي للمطار وطبعا كسعوديين كعادتنا السنوية
طالت أعمارنا قبل السفر نبغى نسوي كل شئ ..
عديت أخذت أدوية من الصيدلية ومريت حلقت ومن قوة العين حتى خوي اللي وصلني
قام يحلق " يعني إنه هو اللي أخرني " وعديت آخذ قاموس ناطق " بغى يقول الحق الرحلة الله يرجك "
وعلى رالي المطار دايركت الين وصلنا وبسرعة البرق الى الكاونتر ولما وصلت قال الموظف :
قفلت الرحلة نحاول معاه بس الهندي يهز راسه يعني ضف وجهك انت وعفشك ..
رفعت صوتي عليه قال : تبطي أزم ..
وندور واسطة حيلتنا يالضعفاء المهم باءت " حلوه باءت " جميع المحاولات بالفشل
اللي قدرت أسويه عدلت حجزي إلى يوم الإثنين 11/5/2009
ورجعت أجر أذيال عدم إحترام الوقت بكل حزن واحنا راجعين خوي يقوللي تصدق شهرين عدت بسرعة
ماشاء الله كيف الجو هناك وعساك استفدت ..
طبعا
لا وخليت شنطتي في السيارة عشان يوم الاثنين هو اللي راح يوصلني
أغلقت جميع جوالاتي يعني يعني إني سافرت .. المهم خيرة من الله سبحانه خلصت بعض الامور ..
يوم الإثنين رحت قبل الموعد بساعة من جد ما نجي الا بالعين الحمراء
المهم وركبت الطائرة وكانت أفكاري توديني بس ما تجيبيني .... أول مرة أسافر فيها مدة طويلة ..
كنت أفكر كثير بأهلي وأحاول ما أبين لهم يكفي الحال اللي كانوا فيه ,,
" بس شئ كان لازم يكون وصار " فهمتوا شئ حتى أنا ما أدري وش أقول ..
طول الطريق ما نمت الين وصلت مطار سنغافورة (( ما شاء الله ))
بصراحه بعد ما شفته قلت أنا لوجيت سياحه لسنغافورة يكفيني أتمشى في المطار وأسكن في فندق المطارهذا بحد
زاتو متعة وجمال ..
وسلملي على مطاراتنا
المهم أنتظرت ثمانية ساعات في المطار وكنت سهران طول الرحلة كلمت أهلي طمنتهم وقلت أدور مطعم سألت
واحد قلت: فيه عندكم مطعم وجبات سريعه.. قال: في الدورالثاني ،، قلت : تهقى ألاقي مطعم البيك
قال : الأخ مكاوي ،، قلت : إيوه يا بويه ونفخت صدري شوي .. قال : ألحق المطعم لا تطلع ضلوعك ..
رحت المطعم وأنا ماسك على تشيكن " دجاج " المهم طلع حسابي ما يعادل ستة وعشرين ريال ..
عز الله إني ما كملت غداي جالس أفكر معقولة نصب عليه اللي في المطعم وعشان أعبر عن اللي بداخلي
طبعا متعودين من صغرنا نعبر عن اللي بداخلنا
جيت إلين عنده وقلت له : تو متش " غالي جدا " ونزلت منتشي كأني جبت الذيب من ذيله
تعرفون ليه لأني عبرت عن مشاعري
جيت إلين السنغافوري اللي سألته عن المطعم قلت له : أكلكم طعم ،، قال : ماعليك زود ..
قلت : بس تصدق أسعاركم مرة غاليه ..
قال : بالعكس رخيصة وبعدين إنت ووجهك ماتشوف أسعاركم في المطار الخايس عندكم ..
سحبت نفسي وقلت : لاتعليق !!!
رحت جلست في كافي مطل على كذا " وش (( كذا )) معليش ماصرت أجمع من قل النوم
" وطلبت معروضي " كابتشينو كريم كراميل سكر زيادة جوه "
علشان أصحصح وكنت أطالع في اللي رايح واللي جاي كأنهم جالسين في بيتنا لقافة
المهم إلين حان وقت الرحلة من سنغافورة إلى نيوزيلاند طبعا وزعوا علينا إستمارات عشان نعبيها ولما نوصل
نسلمها لجوازات المطار في نيوزيلاند وكالعادة ماكو قلم وأطالع في اللي معايه كل واحد بقلمه
وهم رايحين زيارة واللي راجع بلده وأنا اللي رايح دراسة ما معي قلم هزلت
وتذكرت عبارتنا الشهيرة أيام الدراسة (( عندك قلم زايد ))
والله وطلعت الطائرة بس لاحظت إن الطائرة هذي نظيفة فعرفت إحنا مين ..
المهم قبل ما أسافر سويت بحث بسيط عن الأشياء التي ممكن تصادف أي شخص في طائرة أجنبية فحفظت كلمة
" واين " يعني خمر فالمظيفة عرضت عليه مثلي مثل المسافرين الموجودين
فقلت : نو جست ووتر " لا ومن غير بليز بعد ..
المهم لما وصلنا أجواء نيوزيلاند وإحنا لسه بالطائرة مدري بديت أشعر بالبرد أزهلها
وأخيرا بعد 22 وعشرين ساعة طيران وإنتظار 8 ساعات في مطار سنغافورة
وصلت إلى مطار نيوزيلاند بحفظ الله ورعايته وكان في إستقبالي حفظني الله صاحب ......
" ما قلت لكم إني طفيت ..
وإلى لقاء في الحلقة القادمة خلوني أروح أنام قبل ما أجيب العيد ....