MINI MUM
فالبدآيه حبيت آشكركم على موآضيعكم وتقآريركم ،،
وحبيت آخذ رآيكم بالنسبه لسفرتي الجآيه ان شاء الله ،،
بالنسبه لي ،، لي ثلاث مرآت رحت مآليزيا وكآنت مع هلي ، والحين عقب العرس قررنا انا وزوجي نروح مآليزيآ ،،
وآبي السفره تكون شهر عسل:$
سفرتي بتكون ان شاء الله من تآريخ 28-6-2011إلى تاريخ 9-7-2011
1يوم ، 10 ليآلي ،، لآن الوصول إلى كوالالمبور ، بيكون بتاريخ 29 الظهر ان شاء الله ،
والاماكن اللي حاطينها بالجدول ، بالتدريج...
ليلتين سيلانجور ،
ليلتين لنكاوي ،
ليله الكامرون
خمس ليالي كوالالمبور مع زياره لجنتنق يوم كامل ان شاء الله ،
لكن عقب ماشفت تقرير عن ليجيند ،
فكرت اروح اول ليله في المنتجع وبعدها اكنسل سيلانجور ونطير على طول للنكاوي ،،
ومع التقارير احترت بين لنكاوي وبينينق ،، شرايكم أي جزيره فيها اكتف حلو ،،؟؟؟؟
لان على حسب الجزيره بيترتب الجدول ،
الخلاصه ،،،
الترتيب بيكون ،،
ليله منتجع ليجيند ،،
ليلتين الجزيره ،،
ليلتين الكامرون ،،
وخمس ليالي كوالامبور ومنها يوم سيلانجور للحديقه ويوم لجنتنق ،،
والفنادق بتكون ليجند هاوس وتر ،،
الجزيره اذا كانت في لنكاوي احتمال لنكاوي لاقون ، بس لحد الان مالقيت حجز ،، اقترحوا لي فندق حلو ،، وراقي ،،
اذا كانت في بينينق ،، بيكون فندق قولدن ساندس باي شآنغريلا ،،
والكامرون اكواتريال,,
وكوالالمبور في الماريوت او الريتز او شولان ،،
ابي ارآئكم ،،
بداية مبارك لكم الزواج وجمع بينكما في خير
راح اعقب لك اختي على ثلاث نقاط
الأولى منتجع ليجند انا وبحكم ذهابي له قبل شهر اؤيدك وبقوة ولكن لي تعقيب خذي المطل full sae viwe
لان انا طلب انها تطل على البحر فاعطوني مطله لكن قدامي شاليه فاضطررت ان اخذ وحدة ثانية مطله تماما على البحر
نظافته ممتازة وخدمتهم روعه
تابعي تقريري وفيها عن المنتجع
الامر الثاني
فندق اكواتيرل في الكاميرون صحيح اطلالته ممتازة وانا رحته قبل 5 سنوات
لكن كم عضوا ذكر انه صار اثاثه متهالك مو قد كذا
الامر الثالث
بالنسبة لي لو اخترت بين لنكاوي وبينانج
لا والله لنكاوي وانا مغمض على طول
ماتخيل اسافر ماليزيا بدون ما اروح لنكاوي
وفي فندق ثاني اسمه دي لافرنس على ماعتقد انه كذا اسمه يمدحه اخونا وافي
اتمنى اني افدتك
وبالتوفيق
ابو عبدالرحمن