اختي بصراحة مااعرف اقول غير شيء واحد الرحلة طويلة واحسن طريقة انج تاخذين دايركت
ولهذة السبب اشوف انه احسن طيران من الامارات هي الاماراتيه عندهم رحلات دايركت الى كيب تاون او جوهانسبرغ
وتحياتي لج

من الافضل دايركت من دبي لكيب تاون احسن عن حوسة المطارات
و التذكرة تقريبا ب 4890 درهم للشخص الدرجة السياحية
و انا ما انصحج تحجزين عن طريق شركة
الاعضاء ما قصروا حاطين مواقع وايد تقدرين تحجزين منها الشقق او الفنادق
و فيه بعد ارقام سواقين
و استئجار السيارة من شركة Avis اذا كنتوا تبون
ترا هلمعلومات كلها من القراية بس انا بعدني ماسافرت ههه شهر 8 ان شاء الله و اذا تبين اي شي انا حاظرة و من عيوني

9sudfa
انا جربت طيران الامارات من دبي وجربت الاتحاد من بوظبي وبصراحة الاتحاد كانت افضل بكثير وارخص وتستغرق الرحلة 8 ساعات و10 دقائق الى جوبرغ ومن هناك تقدري تاخذي طائرة محلية الى كيب تاون او جورج او اي مدينة اخرى وانصح بان تعملي الحجز الداخلي عن طريق مواقع الخطوط الداخلية لكونها ارخص بكثير
اما بالنسبة لموريشس فهي تبعد 5 ساعات ونصف عن جوبرغ يعني 7 ساعات ونصف عن كيب تاون وما ادري ليش الناس يبغوا يجمعوا البلدين في نفس الرحلة فالمسافة بعيدة والتذكرة غالية
واذا فعلا تريدون جمع سياحة الجزر مع جنوب افريقيا فانا انصح بجزر موزمبيق فالمسافة ساعتين ونصف فقط والتذاكر ارخص و الجزر احلى وانظف لانها غير مستهلكة كثيرا مثل موريشس كما انها جزر لا يسكنها الا السياح وعدد الناس فس كل جزيرة قليل جدا فلا تكون هناك مضايقات من شحاذه وغيرها ولا مناظر لاحياء اهل البلد الفقراء المعدمين كما هي الحال في مورشس
بالنسبة لاستئجار السيارة فكرة ممتازة وتوفر الكثير كما تزيد متعة رحلتكم وحريتكم وخاصة اذا استاجرتوا نظام ملاحة GPS

اشكر كل اللي رد علي وما قصرتوا بس شو عن المخاوف -- ترا الاهل يقولون ان البلد تخوف وفي حرامية وايد خ افيدونا لو سمحتم

9sudfa
طيران الاتحاد انا جربتها وكانت حلوة وايد ..
بس تحتاجين تبدلين طيارة في جوهانسبرج وعادي ترى . المطار نفسه .
واذا حابة تسيرين مباشرة من الامارات لكيب تاون بعد ممكن .. بس اكيد انتي بتغيرين لمناطق ثانية مو بس كيب تاون.
البلاد حلوة وآمنة بس في الأيام الأخيرة صارت بعض المشاكل بسبب هجرة الأفارقة من دول اخرى لجنوب افريقيا .. فانتظري تهدأ الأوضاع شوي عقب ممكن تسافرين.
وبالنسبة لحجوزات الفنادق و الطيران ممكن تحجزين من المواقع السياحية او من هناك مباشرة. والطلعات عليج بالمرشد السياحي ..
فما تحتاجين باكج من الامارات.

إماراتية.نت
خلاص غيرنا بنسير بلجيكا ومن بلجيكا بنسير دول اوروبية ثانية وشكرا امارتية نت