بسم الله الرحمن الرحيم
اسعدتم مساءا اعضاء منتدانا الكرام
تم الوصول البارحه الى اوزنجول بحمد الله ولكن لشدة التعب من بعد السفر لم استطع الكتابه لكم
ما ادري منين ابدأ وعن ايش اتكلم
اوزنجول على كثر مارأيت من صور عنها لم اتوقع ان تكون بهذا الكم من الجمال والطبيعه وخاصة
ولكن هناك شي غريب في هذه القريه
الا وهو الراحه النفسيه التامه فالهواء نقي ورائحة الاعشاب والاشجار عندما تمسي بالقرب منها لها وقع اخر
بصراحه كنت مخطط اني باخذ لي يومين او ثلاث بالكثير
لكن منذ ان وصلت تغير الجدول
فلن اخرج منها باذن الله الا بعد خمس الى سبع ايام
تقريري عن الرحله بشكل مختصر
حجزت عن طريق الخطوط التركيه من جده الى اسطنبول ومن اسطنبول الى طربزون بعد انتظار اكثر من 8 ساعات بالمطار
قابلني مندوب شركة تاجير السيارات واخذت منه السياره ولكم بعض التفاصيل
1- عطوني سياره اصغر من اللي انا طلبت
2- اغلى من السعر تقريبا فرق 300 سعودي
3-المندوب يادوب يعرف له كلمتين بالانجلش لذلك ماقدرت اتحاور معه ولهذا السبب رضيت بالامر الواقع
4- السياره ديزل اخذتها ع الصفر وفللتها 164 ليرة ( تقريبا اكثر من 300 سعودي )
طبعا حجزت من بوكينق في اونال اوتيل
لاباس به بشكل عام
لكنه غالي شوي لان الغرف مره ضيقه
فيه شباك مع بلكونه تطل على واجهة المسجد
النت تقريبا جيد جدا
الاستقبال ممتاز تقدر تتفاهم معهم بالعربي افضل من الانجلش
حجزي عندهم كان ليوم واحد فقط لاني كنت متوقع اني بحصل سعر افضل واريح
طبعا سجلت خروج الضهر بدون ما افطر عندهم ( نمت قبل فطورهم بساعه )
مع العصر اخذت لفه على بعض الاوتيلات على امل ان اجد مايناسب
وجدت سكن افضل من اونال بالسعر والوساع وبالراحه والخصوصية وبكل شي
الا وهو سكن يؤجره رجل كبير بالسن اسمه محمد
بصراحه قبل لا اتكلم عن الشقه بتكلم عن صاحبها
قمه في الاخلاق
لم نفهم على بعض كثيرا ولكن حتى مع الحجه تكلمت ناس بسيطين وودودين (اعطونا خبز من صنعهم )
الشقه واسعه بشكل كافي لاربع اشخاص او خمس
غرفة جلوس + غرفة نوم + مطبخ اغلب الاواني موجوده فيه + انترنت + دورة مياه
دور ارضي وصاحبها ساكن جنبنا علطول
وبالنهاية السعر
0ليرة فقط
لاتتجاوز 300 سعودي
ملاحظه : هذي اول مره اجي فيها تركيا بالكامل والحمدلله لم اواجه اية مشكله كانني اعرفها مسبقا
وهذا الفضل يعود بعد الله للمنتدى واعضائه الكرام الذين اقدم لهم كل الشكر والتقدير
وبالنهاية ابي منكم طريقة تنزيل الصور
وطلب من الاشخاص اللي راح يجو ع اوزنجول بالايام القريبه
ياليت اللي ناوي يجي يكلمني ابيه يشتري لي غرض معه من السعوديه ضروري جدا ( احول له القيمة )
وانا اتكفل له بحجوزاته او ايا شي يبيه من اوزنجول هو واي عضو
شاكر لكم وان شاء الله لنا تقرير عن قريب بالصور
تحياتي