حلم الليل
23-07-2022 - 10:47 am
تحياتي للجميع
اتمنى احد يساعد ويفيدني في هالموضوع ...
انا بصراحة رايح الى المانيا (برلين) في مهمة عمل ... لمدة ثلاثة ايام بعدها نويت اتمشى في المانيا
واروح الى بولندا.. او السويد ...
لكن من كثر ما قريت عن بولندا.. قررت ان شاء الله اسافر لها ...
فاتمنى .. احد يفيدني كيف الطريقه الافضل للسفر الى بولندا واي مدينة هي الافضل ..
طبعا ان طليت في الخرائط .. ففكرة اسافر عن طريق القطار اذا كان فيه .. وودي اروح اي مدينة على بحر البلطيق ..
اتمنى من اللى عنده معلومات يفيدني ولكم من الدعاء ان شاء الله .. والصور اذا رجعت بالسلامه ان شاء الله
علماً بانني مسافر لوحدي تقريبا الاسبوع بعد القادم ..
من كاكا الى حلم الليل ................ تحيه وتقدير من كاكا .
احاول مساعدتك باللى اقدر عليه ...... ونشالله اخوننا بالمنتدي ما يقصرون ......... اتبع كاكا .سلمك الله ...... لا تفوت الفرصة ..... من برلين انطلق بالسيارة .... تاكد بان عليها ان شورنس ... تأمين من مكتب التاجير ....... ( وشرط ضد السرقة ) .... فيزة المانيا ... متعددت السفرات .... وبولندا لها فيزا غير ... اخذها
عندك مدينة اقدانس وتوابعها ..... سابوت تستاهل من يزورها ..... ضمن محافظة اقدانس .... وان قدر الله لك تروح .... لاتنسي تتحفنا بالتقرير ...
رحلة جميلة ... لاتطوفها .... ان توفرت الميزانية ...والوقت .... قوم فيها .... تمتع بالريف البولندي ...ودعو لنا ...
واليورو ... ينصرف من عملتهم الزلطي ...كثير ....... امسك الخريطة ... وحدد وجهة سيرك ... شمال شرق من برلين .... ماهى بعيده .... من 400 ك وحول ...ان نقص او زاد ما هو بكثير .... ما مشيتها ... وقبل الحدود الالمانية رديت ... ريف وجمال وطبيعة ... تقول يالطيف ..... واول مدينة بولندية ... اسمها ... استيجن ... حدودية وكبيرة
منها بعدها تبي تشوف لوحة اقدانس او اقدينيا .... وسابوت بينهم ... انشالله وصلتها .ل
ما نصحك بالقطار ولو انه سريع .... والباصات متوفرة ..... بس اقول سياره لك وحدك ... صدقنى ابرك ... ماعليك ما تضيع ... بتشوف السيارات بلوحات الالمانية ... اغلبهم الى سابوت يصيفون .... ارخص لهم ويحبونها ..
بالاخير سامحنا على التقصير .......... كاكا من شلة ابو صفيرة يهديك التحية .
اتبع كاكا .