السلام عليكم ورحمه الله وبركاته
حياكم الله جميعا اول مشاركه لي واتمنى تفيدوني
بما انني عضو جديد وفرش على اوربا ابي فزعتكم
قررت اسافر شهل عسل متاخر انا وزوجتي بدون اطفال الى بريطانيا والنمسا
قريت في منتداكم الين احولت عيوني ورسيت على بحر لندن وزيلامسي
بسم الله نبدا ابيكم تجاوبون على كل اسئلتي الله لايهينكم
1#ابسافر في شهر اكتوبر (نهايه شوال على بدايه ذو القعده)
أ- الجو هناك كيف راح يكون
ب- الحجز في هالشهر وافضل خطوط
ج- سعر التذاكر لشخصين
د- الفيزا اقدمها على اي سفاره والا اعطيها مكتب افضل يطلعها لي وكم تاخذ وقت
2# مده الرحله اسبوعين الا كم يوم يعني (12 يوم)
أ- مخطط الرحله من الرياض- لندن-زيلامسي-لندن-الرياض
ب- مده الاقامه في لندن وزيلامسي كيف اقسمها
3# المسافه بين لندن وزيلامسي او اي مدينه بالنمسا تستاهل الزياره
أ- بالطياره كم المسافه وسعر التذكره وطريقه الحجز
ب- بالقطار كم المسافه وسعر التذكره وطريقه الحجز
ج- ايهما افضل
4# التنقلات بالتاكسي والا استاجر سياره والا بالباصات
كيف وشلون اسوي بكج للاماكن اللي ابزورها كل يوم ؟؟؟؟
5# ابي افضل الفنادق وافضل موقع قريب من السوق وكل شي يعني نضرب عشر عصافير بحجر
6# هل يحتاج مترجم انا مااعرف انجليزي الا قليل يس ونو والمنيو بليز يعني اقدر امشي حالي ؟؟؟؟
7# ابي اعرف الميزانيه لل 12 يوم كم بتكلف وابي الفنادق 5 نجوم او 4 طبعا ابيها تقريبا شامله التذاكر والسكن والتنقلات الا التسوق على جنب
هذا كل اللي عندي واتمنى اتمنى اتمنى تجاوبون ولاتخذلوني تراني مابعد سويت شي لاحجز ولاشي قلت بستشيركم اول
وشكرا