وش السواه الحين

واله بالسياره فيها من 6 الى 8 ساعات طريق طويل عليكم
بالقطار ياليت احد من الاخوان عنده هالمعلومه يفيدج فيها
بس فيه حل ثالث اسمه الطيران
دشي المواقع وشوفي الاسعار ترى اسعارهم رخيصه والرحله ماتكمل ساعه الا انتي بسويسرا

مسافره بلا سفر
اختي :
الحل الافضل السفر بواسطه الطيران الاقتصادي وتكلفته بسيطه جدا (100-400 ريال سعودي بالكثير ) والمسافة بين نيس وجنيف 485 كيلو وهو أقل تكلفه واسرع وقت
حددي لي يوم السفر وعدد المسافرين واشوف لك رحلة
على فكره كان ما فيها مطار , نيس تبعد عنها ثلث ساعه فيها مطار

ياحلو يا انا يا حلوك والله اى طيران وشو هدا شى يؤكل خ ادرى ان فيه طيران اسرع لكن ما ابى انا مسافره استمتع بالسفر مو اطلع مطار وشيل شنط واركض الحق البوردنق باس لالالالا ما ابى ابى استمتع بالارض لانى كرهت الطيران لانه الوسيله الاكثر استخدام بحياتى انا شخصيا اقضى نص السنه رايحه وجايه مع زوجى مليت من جد وشاكره لك ردك اه يا خالد العزيز انا من جد اقول عنك انك فعلا رجل طيوب لانك دائما ترد على اسئله المسافرين اشوفك كثير وهدا يدل على كرم اخلاق منك مو طبيعى انا مثل ما قلت لاخونا من قبل ما ابى فكره طياره احب لى السياره او ممكن القطار واشوف على حد كلامك ان المسافه من نيس الى جنيف 480 اعتقد المهم اقل من 500 شى بسيط وحلو بالدات فى اوروبا والطبيعه لكن انا ما ابى اطلع جنيف على طول ودى استمتع قبل بضواحيها اللى ببين الريفييرا وجنيف وهنا كان استفسارى اببى اعرف خط سير حلو وببليز لا تطنشونى لانى مرتبه كل شى ابى اخلص من الحجوزات

على فكره يا خالد يمكن انت ما انتبهت للى كتبه انى واصله لمطار نيس ادرى ان كان مافيها مطار انا قصدت القطار يطلع من كان تقريبا عرفت من خلال رد لك على احد الاخوان ياليت تاكد لى المعلومه ويوم السفر بيكون من الرياض الى نيس 22 اغسطس وقضاء خمس ايام والسفر الى سويسرا يكون يوم28 الى سويسرا ولمده 6 ايام والعوده من جنيف الى الرياض يوم 3سبتمبر والمسافرين انا وسى السيد فقط

لا أري أي مشكله عندك
توجهي الى محطة القطار اول ماتوصلين نيس
واقطعي تذكرة رايح جاي 120يورو درجة ثانية و 169 درجة أولى
و 190 درجة الشيوخ Premier Class
ودائما اختاري القطار السريع المباشر
مثل هذا اللي ينطلق الساعة 1:39PM ورقمه 6886 يومي يقطع المسافه ب 6 ساعات و 13 دقيقة
وينطلق من محطة Nice Ville الرئيسية
وسلامتك

يا حيا الله الاخوان ابو فهد وشيخ المنتدى ابو عزيز :m9: اسعدنى كثير مروركم وردودكم والله يجزاكم الخير واعتقد ان القطار حلو لكن ابو عزيز شكله مشغول كثير مختصر اجابته وانا طمعت فى تفاصيل اكثر منه او من ابو فهد او الاخوان المشرفين والمسافرين ابى اعرف فيه مجال قبل اوصل جنيف اقعد باى ضاحيه من اللى ابو عزيز والاخوان راحوا لها ومدحوها يعنى اختكم مضيعه بالجغرافيا:36_1_10: ما تدرى وش السالفه وين انترلاكن من ايفيان وغيره وشاكره لكم اهمامكم

مسافره بلا سفر
خذي وقتك في قرائة الدليل
صحيح طويل
لكن راح تشعرين بالفرق بعد قرائته بإذن الله