1. الطريق الثاني الى الخرج هو طريقك او طريق حرض

انا بعطيك الطريق على عجاله لاني في سفر
انت بتدخل السعوديه من منفذ البطحا طبعا بتلقى طريقين طريق الى سلوى ومن ثم الاحساء لا تسلكه

الطريق الثاني الى الخرج هو طريقك او طريق حرض

روح معه تقريبا 450 كيلو الى الخرج والنصيحه يكون المشي نهارا لان الطريق الى الخرج غالبا مع الغبار يتغطى الطريق امشي في النهار والمحطات قليله يعني عبي بنزين من منفذ البطحا اول ما تدخل السعوديه واذا لقيت محطه في طريقك خذ الي تبي
المهم تواصل الى ان تصل الخرج توصل توقفك اشاره تروح سيده واصل واصل اذا ماصار تعديلات لانه كان في تعديل لكن واصل الى ان تصل الى انك تشوف سوق الحديثي على يمينك روح مع الاشاره يسار وبتشوف طريق الجنوب او طريق وادي الدواسر او طريق الافلاج كلها واحد وتمشي شوي ومع الاشاره الثانيه يمين وواصل ذاك الوقت تقابلك الحوطه فيها مطاعم واماكن للاستراحه لكن نصيحه اذا انت تبي ترتاح ارتاح في الافلاج مثلا خذ لك وجبه وهي بعد الحوطه بعد الافلاج توصل للسليل وبعده بكم كيلو عندك استراحة النادر على يمينك شغاله على طول وافضل الاكل فيها للمسافر لا تفوتك اذا ما اكلت في الافلاج يعني استراحتك بعد السليل والى هنا من الخرج تقريبا انت واصلك تقريبا 600 كيلو يعني من الحدود اكثر من الف كيلو والطريق جيد وبعده تدخل الوادي ومن الوادي على طول الى ان تصل خميس مشيط ومنه تتجه يمينا الى ابها يعني الان بعد السليل تقريبا 40 كيلو
يعني خلي استراحتك في الافلاج او في السليل هم الافضل في الطريق وفي استراحات اخرى انت اختار على راحتك
يعني من دبي الى الحدود السعوديه تقريبا 450كيلو قد تزيد قليلا ومن الحدود الى الخرج تقريبا 450 ومن الخرج الى ابها تقريبا الف كيلو واحسب انت ههه
الاماكن التي تستحق الزياره كتبنا عنها في الايام الماضيه كثيرا
لديك السوده والمسقي والحبله وعسير مول ومهرجان الخميس وابها اذا استمرو في رمضان ولديك اسواق الخميس جيده وقريه بن حمسان
المهم حاولت اساعدك على حسب وقتي والله يوفقك

مشكور على هذا التفصيل الرائع ( ماشالله عليك هذا كلة بعدك مستعجل ) وألف شكر لك يا الامبراطور

يعني من دبي الى أبها 1900 يا سلام سلم !! هاه بعدك ناوي تسافر كل هالمسافة؟؟؟؟؟؟؟؟

ياأخي عندك صلالة اقرب واجمل بكثير وعلى فكرة انا من اهل عسيرالا ادا كنت تريد العمرة

نعم المسافة كبيرة و يمكن اخلي الاهل يسافرون عن طريق الجو . و عندي الطفل منصور ذوي الاحتياجات الخاصة . وانا مع فرقة
الاستطلاع الي تتكون من أبنائي الاثنين راشد 9 سنوات وشوق 8 بيكون عن طريق البر .

نعم صلالة جميلة . بس انا من 10 ايام تقريبا جاي من صلالة . واسمع كثير عن ابها ومناطقها واهلها الطيبين وحبيت ازوها .

الله يحيك في بلدك ونسأل الله لك التوفيق ولاتتردد ابها الايام هدي مطر وخير وفيها راحة نفسية عجيبة انا جيت منها الاسبوع الماضي وراجع لها ان شاء الله ولا يفوتك اللحم المظبي في الواديين والسودة لاتفوتك واعتقد فيه مهرجان رمضان تسوق والعاب وكدلك افضل المطاعم تكون في شارع حديقة الاندلس حسب مااعرف لان المطاعم اهم شي في رمضان وادا اردت ان ترى بام عينك صلاة الصحابة فصل مع الشيخ الحواشي بمسجد خادم الحرين الشريفين في الخميس طريق المدينة العسكرية وترى فيه فرق في الاكل بينا وبين صلالة هنا الشغل السنع اللي على كيف كيفك وعندك تها مة مع عقبة ضلع بس حر واي شي عن ابها مستعدين وامنعك من التردد والمحبطين فالطريق الدي وضعه احد الاخوة من الخرج الى الدواسر ممتع بعد العصر عشانك صايم ونرجو لك رحلة جميلة

حيااك الله اخوي مروان
بس حبيت انصحك بزيارة ( رجال المع ) تبعد عن السودة تقريبا 15 كيلو تقريبا
يعني اذا حبيت مثلا يكون وجبة الغداء في السودة وبعدها تنزل على رجال المع طبعا الجو فيها روعة ودافء والمناظر خيالية .(لا تفوتك )
اتمنى لك رحلة ممتعة .
تحياتي .