- الله يعطيكم العافيه على هالمجهود اللي تبذلونه ..
- واقدم شكري مقدما لكل شخص يرد على موضوعي ..
- هو صديقي ياطويلين العمر بمدينة اكسفورد
- الاستفسارات :
مرحبا .. يسعد اوقاتكم يارب ..
الله يعطيكم العافيه على هالمجهود اللي تبذلونه ..
واقدم شكري مقدما لكل شخص يرد على موضوعي ..
انا ناوي اسافر لبريطانيا بشهر 4 الجاي ان شاء الله للسياحه بس انا عليمي وبقوه .. فيه صديق لي هو اللي شجعني اروح لها هو توه رايح صارله شهر يدرس هناك بس انه برضو مايدري وش السالفه ومن النوع اللي البيت الجامعه وبس يعني مايدري وش السالفه .. فقلت انا بجيك وابدلك طبعا كل هذا بتوفيق الله ومساعدتكم لي
هو صديقي ياطويلين العمر بمدينة اكسفورد
الاستفسارات :
1- انا ودي اروح لافظل المدن في بريطانيا واللي راح انبسط فيها يعني راح اروح عند صديقي بأكسفورد لمدة 3 ايام بعدها ودي اطلع لمدن ثانيه يعني انا بجلس 15 يوم وين تقترحون اروح لو قلنا 3 ايام بأكسفورد .. وبعدها وش رايكم .. وكيف راح اتنقل للمدن اللي تذكرونها لي؟؟ ياليت لو تكون قريبه من بعض لان مافيني اروح بطيارات ميزانيتي محدودة نوعا ما يعني المدن اللي بالقطار
2- كم الاسعار الانتقال من مدينة لمدينة يعني لو نفرض انه بروح بالقطار كم ياخذون علي ؟؟
3- وين الاماكن القويه في بريطانيا والحلوه ؟؟ وياليت تذكرون المدينه اللي يكون فيها المكان الحلو ؟؟ يعني مثلا ملاهي وطقتها ؟؟
4-اذا مثلا ذكرتولي المدن الحلوه وجزمت عليها هل تقترحون اني اخذ واحجز غرفه من اوتيل عن طريق النت او الافضل اني اروح لمها بنفسي؟؟
5- وش افضل خطوط هل السعودية ولا البريطانية ؟؟
6-اسعار الاوتيلات هناك كم تقريبا لشخصين ؟؟ يعني لنفرض 4 او 5 نجوم ؟؟
7- الاجواء كيف تكون في شهر 4؟؟
اقدم شكري مقدما لكل من يساهم بتزيدي بأي معلومه والله يعطيكم العافيه .. ادري اني طولت الاسئلة بس مالي غير الله ثم انتم
تحياتي للجميع ..
3- وين الاماكن القويه في بريطانيا والحلوه ؟؟ وياليت تذكرون المدينه اللي يكون فيها المكان الحلو ؟؟ يعني مثلا ملاهي ومنطقتها ؟؟
1- ليك دسترك lake distric
https://artravelers.com/
جيك على المشاركة رقم 7 (ملاحظة بعض الصور في هالموضوع يجب تضليلها ثم رايت كلك والضغط على شو بكجر أو إظهار الصورة )
2-Blackpool
مدينة جميلة ع البحر , فيها مدينة ملاهي كبيرة , وعروض سرك , والتمشي فيها وناسة وتقدر تركب الحنطور وتتحنطر ..
3- ملاهي Alton tower
https://artravelers.com/
المشاركة رقم 14 .. وانتبه ان صاحبة الموضوع زارت المدينة من مانشستر
اسم المنطقة مو عارفتها , عموما ماتحتاج اسم المنطقة , مجرد تقول لهم اسم مدينة الملاهي.
4-مدينة مانشستر
مدينة حلوة راقية فيها أسوااق ومطاعم وقهاوي و فيها مانشستر ويل وممكن إنك تزور نادري مانشستر
https://artravelers.com/p/re/143101
جيك على المشاركة رقم 1 20 24
5- مزارع الفواكة أو الفراولة ( تروح لهم عن طريق احدى المكاتب الساحية في ادجور رود ويمدحون مكتب (زين) )
6-سفاري بارك ( هذا بعد تروح له عن طريق مكتب سياحي )
7-مدينة برايتون
مدينة ع البحر , مليئة بطيور النورس , مختلفة عن باقي المناطق في بريطانيا , فيها ملاهي بس ماتقارنها ب بلاك بول وألتون تورز , وجلسات المطاعم المطلة عالبحر عجيبة , أكلاتهم عبارة عن fish & chips وآيس كريم لندن المعروف8- ملاهي ثورب بارك
هالملاهي خطيرة يمكن مستوى بلاك بول وألتون تورز أخطر لكن ثورب بارك كديكور تحس انك بعالم ثاني كأنك في غابة ( ماتحتجا اسم المنطقة)
9- بستر فلج (قرية الأسواق)
قرية مخصصة للتسوق , كلها أسوواق في أسواق راح تحصل ماركات غالية مثل بربريز وماركات معقولة مثل مونسون , أسعارهم مخفضة ممكن توصل لل 70 %
مثلا في سنة 2009 راح يعرضون كولكشن 2008 وبالنسبة للخليج تكون توها نازلة (أساساً الكولكشن ينزل ربيع صيف - خريف شتاء)
4-اذا مثلا ذكرتولي المدن الحلوه وجزمت عليها هل تقترحون اني اخذ واحجز غرفه من اوتيل عن طريق النت او الافضل اني اروح لمها بنفسي؟؟
الأماكن إلي ذكرتها لك كثيرة , حتى لو مارحت لها كلها, نصيحتي لك خلك طول المدة بلندن و كل مدينة تروح لها من الصبح وترجع بنفس اليوم
أو بعد ماتقضي 3 أيام بلندن تروح تسكن بمانشستر لأنها أقرب لأغلب الأماكن المذكورة ومن هناك كل يوم تزور مكان ومانشستر أصلاً حلوة وأرخص وأنظف وأرقى من لندن (وجهة نظر )
( الاستقرار في منطقة واحدة وفندق واحد أفضل وأريح بكثير من التنقل , وممكن الواحد من المنطقة نفسها يزور مناطق أخرى )
طال عمرك لو قريت التقرير إلي حطيته لك بتشوف إن العضوة بعد ماخلصت من اقامتها في مانشستر راحت ل جلاسكو ..
وهي مو بعيدة عن مانشستر فهاذي ممكن تضيفها للجدول إذا سكنت بمانشستر أما إذا كنت بتسكن في لندن , جلاسكو راح تكوون بعيدة عليك