السلام عليكم ورحمة الله وبركاته ....
أعزائي خبراء تركيا ...
أدري أنكم ما بتقصرون ويايه ،، وأنا الصراحه عضوه يديده عندكم ،، بس مب معناته أني ما اتابع أخباركم.. أنا دوم أشوف مواضيعكم وتعليقاتكم،، والصراحه عيبني شي فيكم يا أعضاء منتدى العرف المسافرون.... واللي هو أن عمركم ما تردون حد إذا طلب منكم شي،، ودومكم متواصلين مع الأعضاء الثانيين..
عموما،، طولت عليكم..
أنا ناويه أسافر إن شاء الله من تاريخ 18/ديسمبر/2011 لغاية 01/01/2012م
حجزت التذاكر وخلصت..
والخطة اللي سويتها هي..
من تاريخ 18/12 _ 19/12 كنت ناويه أسكن في فندق المطار بس قالوا لي اسكني جريب من الميناء اللي بيودي ليلوا
من تاريخ 19/12 _ 22/12 بنسير يلوا،، بس ما حددت وين أسكن..!!
من تاريخ 22/12 _ 24/12 في بورصه وفي فندق ماري جولد،، شو رايكم ؟؟
من تاريخ 24/12/2011 _ 01/01/2012 في تقسيم وفي فندق نيبون.
ألحينه قولوا لي شو رايكم أوكي جي رتبت .. علماً ويايه 2 من عيالي وريلي،، وأنا ما أبا اتعب عيالي لأنهم صغار (4سنوات وسنتين)
الله يخليكم أتمنى حد منكم يسويلي مخطط الرحله