بالنسبة للالستفسارات الطبية والعلاج ،، ادارة المنتدى تمنع الرد عليها ،، لكن مستشفى بومرنجراد او الامريكي من افضل مستشفيات العالم وكل تخصص موجود هذا اللي اقدر افيدكم فيه والباقي عليكم ،،
بالنسبة للرحلات في بانكوك نفس الشي في اكشاك سياحية ،، ارشح لكم مكتب موسى البانكوكي ومكتبه بوسط منطقة العرب سوكموفيت سوي 5 ،، خدماتهم ممتازة ويتحدثون العربية وغير هذا الرحلة يكون معاكم سائق من المطتب تايلندي ويتحدث العربية ويرافقكم في الرحلة ويخلص لكم امور قطع التذاكر وغيره واحيانا يكون معكم كدليل سياحي داخل الحدائق الكبيرة ،، وطبعا هم دائما يوفرون سيارة خاصة لكم
شوفي اختي بالنسبة لسفاري ،، الاسم متشابه لكن الرحلات مختلفة كليا عن بعض بين اللي في بانكوك واللي في بوكيت ،، في بوكيت هناك رحلتين سفاري والافضل هي رحلة ايلاند سفاري اللي تشمل على عروض قردة وفيلة + ركوب فيلة + مساج اسماك + قيادة دراجات بانشي + رافتينق
اما بالنسبة لسفاري ورلد اللي في بانكوك في تشمل : حديقة حيوانات كبيرة مفتوحة تتنقلون فيها بسيارة السائق اللي جابكم وقسم اخر فيه اقفاص وحيوانات معروضة + عروض للقرود و الدلافين و اسود البحر و الكاوبوي وكل عرض له مسرح خاص ،،
يعني لا مانع من حجز الرحلتين اللي في بوكيت او اللي في بانكوك ،، مع العلم اذا انتو عائلة تقدرون تلغون الرافتينق اللي برحلة سفاري ايلاند ببوكيت ،، يمكن ما تناسبكم اذا مع اطفال