فيرقية
17-10-2022 - 06:40 pm
السلام عليكم ورحمة الله وبركاته
لو سمحتو كاميرتي من سوني
وانا فاشله جدا في التصوير
احيان تطلع الصور واضحه جدا واحيان تكون سيئة
لاني ما اعرف اعاير الكاميرا لما اصور حتى المعايرة البسيطة
اذا ممكن تشرحولي الازارير الموجودة في الكاميرا اكون لكم شاكرة
وايش افضل مقاس للصورة لما اجي اصور لانو احياان تكوون كبيرة مرة ولما اصغرها تتشوش:112:
هاذي صورة كاميرتي
والله يجزا خير كل من يرد عليا
بعضه تسجيل فيديو وتسجيل صوتي.
اللي يهمني الطبيعه (صورة شجرتين في كيمرتج) ،أظن لما تسوينها هذي تفتح لج عدة خيارات اخرى.
انا ما اعرف لنوعية كيمرتج لكن انا عندي سامسونج لما ادخل الطبيعه اضغط على Menu (القائمه) وتفتح لي خيارات فيها صور:
صورة أطفال: هذي تفيدج لما تبين اتصورين شي سريع الحركه مثل حركة اطفال يلعبون، العاب تشتغل، سيارت تتحرك، ... الخ.
صورة فجر: تعطي خلفيه لمنظر في وقت الفجر
صورة غروب: تعطي خلفيه لمنظر في وقت الغروب ، اتلاحظين الاضاءه تتغير .
Portrait: هذي حق تصوير للمناظر وخصوصا شكل طولي يعطيها اضافه مميزة.
لو ترجعين للترس الاول لكيمرتج كذلك في خاصية التصوير الليلي (صورة انسان مع هلال) هذي تفيد حق تصوير في اضاءه خافتة ، لكن قريت موضوع للخ أسامه انه لابد من ستخدام حامل ثلاثي (ترابيود) لضبط الصوره .
أما عن ISO ما اعرف عنه ممكن يفيدون الاخوان لكن يظهر انه جدا مهم وراح يفيدك (فيه موضوع للأخ عثمان https://artravelers.com/p/re/296997 مفيد جداً )
اما عن ابعاد الصور وشو تختارين؟ بالنسبه لي افضل ان تكون ابعاد الصوره 2592x1944 صحيح انه حجم الصور يكون (2ميجا تقريا) بس هذا يعطي للصوره وضوح اكثر وممكن اتكون خلفيه جميله لو مدت الصوره ما تخترب جودتها وكذلك لو صغرتها ما تخترب..
هذا اللي اعرفه واتوقع لو قريتي مدونة الأخ اسامه وايد بتفيدج... ( هذا موضوعه وفيه موقع المدونه https://artravelers.com/p/re/299905 )