تحت امرك سيدتي اطلبي ما تحبين ما عاش من يرد طلب لزوار هذا المنتدى .
زيارة اوزنجول امر بسيط جدا .
اذا بر في باصات يومية الى تربزون ومنها الى اوزنجول . المشكلة 22 ساعة .
اذا طائرة ساعة ونصف لكن الحجز المبكر . ياريت تشرحي كيفية السفر الى استنبول وموعد السفر .
ان شاء الرحمن مايسير خاطرك الا طيب .

انا حجزي الى استنبول يوم الخميس22 الساع 2 صباحا من الكويت الى اسطنبول والعوده يوم 6 الساعه 9 بالليل
كنا ناويين نظل باستبول طول الفتره لكن بعد كلامكم عن اوزنقول اصبحت حلم بالنسبه لي وياريت يتحقق
افكر نظل فيها ثلاث ايام
انا ابغى احد اتكلم معاه بصراحه بالكتابه انا ماني عارفه اعبر عن اللي ابغاه
عموما انا ابغى احجز لترابزون طيران بس ما ادري اذا اقدر احجز خلال اقامتي باسطنبول من نفس الفندق يساعدني او لا؟ ثم الى اوزنجول بس ماني عارفه اضبطها وابغى الاقي سواق باسطنبول يتكلم عربي وهذا الحين اهم شي بس المهم انو مايستغلنا لان العام الماضي استغلونا بشكل لا يصدق وبعدين ابغى سواق من مطار طربزون الى اوزنجول لانو مارح ناخذ باص ابوي كبير بالعمر ومايتحمل هالمشاووير بالباصات وبعدين حجز بالاوتيل باوزنقول واكون شاكره بشكل مش معقول
بليز ساعدني

اختنا الكريمة الكل هنا تحت امرك وامر جميع الاخوة والاخوات المستفسرين
وبالنسبة لطرابزون واوزونقول بامكانك انك تحجزين اثناء تواجدك في اسطنبول بس للامانه بتكون غاليه
ولكن بالامكان الاتفاق من الان مع مكتب يحجزلكم رحلاتكم الداخلية من الان
اما عن حجز اوتيل في اوزونقول فيمكنك ان تحجزي في حال وصولكم في بنسيونات او اكتبي اوتيل انان او اوتيل انصار او الاطلاع على الرابط الموجود في التوقيع بعض الفنادق التي سكنتها

الله يعافيكم يا جماعه انا ابغى اعرف مشكلة بطاقات الفيزا بحجوزات الفنادق تخيلو اني بعد بكرا ماشيه واتصلو علي الفندق اليوم والغو حجزي وماني عارفه احجز من ولا محل لان الفنادق كلها فل وبعدين مو راضيين يقبلون رقم الفيزا ودخلت اكثر من رقم فيزات بس برضو نفس المشكله
عموما انا تكلمت مع مكتب وان شالله يارب يقدرون يساعدوني
بس ابغى رقم سايق بتركيا يتحدث العربيه ويكون امين وسيارته تكون واسعه ومريحه عشان نظل معاه طول فترة اقامتنا باسطنبول
بليز باسرع وقت ممكن انا ماعاد معاي وقت

طيب سيدتي ليش ما تتصلي بشركة الحران هنا في المنتدى واطلبي اليهم المساعدة .
بالنسبة لسائق السيارة نفس الامر الشركة تستطيع ان توفر سائق قولي لهم سائق لمدة يوم واذا شعرت ان سعرهم طيب ومعاملتهم زينة كملي معاهم .
وعلى فكرة هم شركة سياحية يعني موسهم حاد لاجل المكتب والمكاتب والخدم ولو كان في مقدركم السفر الى ميدنة يالو كان اقدر ارسلكم الى صاحب بنسيون نظيف وسائق جيد .
ولكن راسلي الادارة واطلبي بريد احد الاخوان هنا . بالنسبة لاوزنجول .
سيدتي يمكن الحجز من هنا او من هناك اذا من تركيا لازم يكون عندك بطاقة فيزا او مساتر كارد . والخطوط التركية تحجز لكم من بلادكم الى استنبول تربزون .
والرحلة تقريبا ساعتين ولا تنس المغادرة الى المطار ثم مغادرة مطار تربزون .
اذا سافرت صباحا مثلا السادسة يعني 8 وانت في تربزون وساعتين وانت في اوزنجول وخمسة ساعات في ازونجول تمشية ثم العودة 3 ظهرا الى مطار تربزون وعلى السادسة انت في مطار استنبول . بصراحة هجولة لكن ممكنة . بالتوفيق .

للأمانة حنا حجزنا من اسطانبول لطرابزون ذهاب وإياب ب130 ليرة بس وحنا بطرابزون أشوف تخفيضات على الرحلات بعد ثلاثة أسابيع من الآن
اختي لا تستعجلي احجزي ليلة باسطانبول في أي فندق من ثلاث نجوم وعندك في بايزيد فندق اسبورت بحدود 300 ريال سعودي المهم نامي ليلة وبتتغير عندك الرؤية افتلي شوارع اسطانبول وبتشوفين الفنادق اللي تبين وبأسعار مرضية هذا بالنسبة لاسطانبول بطرابزون احجزي ثاني يوم أو ثالث يوم من شركات غير التركية زي اكبريس أو شركات ثانية وروحي بطرابزون لا تطولين ليلة وبأوزنجول لا تطولين ليلة ارجعي على طرابزون طبعا بالباص 10 ليرات ورحي ماتشكا صوميلا وارجعي لاسطانبول واطلعي بورصة ليلة وارجعي روحي للبسفور والحدائق والغابات بقية الأيام
من رأيي لا تضيعين فلوسك مع الشركات أهم شيئ أول ليلة تدبرينها من الكويت وغيرها أنتي تقدرين تتصرفين باقتدار
وأنتي ترى أعرف وأدرى والأخوان ما قصروا بيساعدونك بس قلت أنا مجربة بطرح وجهة نظري وربي ييسر لك ويعينك

أختي الكريمة تابعينا على الرابط هاد
وهوة هاد تابع للعرب المسافرون بتلاقي فيه يلي يخدمك ان شاء الله

الرجاء عدم نسخ روابط منتديات اخرى
الادارة