أختي الكريمة 000 ريم الأسواق الشعبية (باتونام) ملابس نسائية وأطفال مدة التسوق حوالي يومان وسوق الأحد صاندي ماركت ( كل شي) وسوق شينا تاون ساعات إكسسوارات وشنط طبعا في بانكوك

الأ سواق mbk افضل سوق من ناحية التقليد . اما الأ كل اذا ماأكلتى من المطاعم العربية اذا هي حلال على قولتهم . عليك في البحري في اي مكان . لأن ذبيحة البوذيين لا يجوز اكلها . اصلا هم مايذبحون الدجاج اعوذ بالله يخنقونة خنق مرة ذكية دجاجة قدام تايلنديين خافو من كثير .هذا للعلم.........

أشكر صاحبة الموضوع وأنتظر الإجابة

السلام عليكم
الأخوان والأخوات بالمنتدى تكلموا في مواضيع عن الأمور اللي تنشدين عنها
بس أنا بقولج من واقع تجربتي
بالنسبة للأماكن السياحية في شانج ماي :
النهر- الشلال- جبل الغيوم- حديقة الزهور -
وهي منطقة هاديه .. وبالنسبة للمطاعم الإسلاميه ..في المطعم العربي ومطعم أسما
بالنسبة لبوكيت :
في رحلة كاملة تطلعون من الصبح ..بياخذونكم لمنطقة مرتفعة بتشوفين بوكت من فوق ..المنظر يجنن
وعقبها في رحلة بالقارب بين الجزر هني لاتنسون الكاميرا معاكم لأن المناظر ما تتفوت
ومن ضمن الرحلة في غدا ..بيكون في قرية حسب ظني انها لمسلمين لأني شفت مآذن فيها..الحلو أن هالقريه عايمه يعني بيوتهم وكل المرافق مصنوعه من الخشب هناك للاطمئنان اكلنا سي فود
بعد الرحلة البحرية ..ممكن تسيرون لعروض الفيلة وبيعلمونكم كيف يستخرجون المطاط من الشجر
وإذا عن المراكز التجارية والمطاعم .. في الروبنسن .. ومركز صغير اسمه اوشن قروب بس فيه بضاعة حلوة ومب تقليد
والمطاعم العربية وايد ..بس يحضرني اسم مطعم دبي .. هم كذا مطعم حذا بعض
أما عن بانكوك.. عندج دريم وورلد وهي حديقة ملاهي كبيرة جدا ممكن تقضون يوم فيها
وسفاري هذي مافيها العاب بس حيوانات وعروض للسياح
عندج الروز غاردن وحديقة التماسيح
أما المراكز التجارية ..اللي سرت لها ..اومبريم .. زن .. طوكيو سنتر.. روبنسون ..السنترال.. هذيلا قريبين من المنطقة اللي سكنتها "نانا".. بالنسبة لي الافضل هو اومبريم ..
والمطاعم ..شهرزاد برايي هو الافضل ..وفي نفس المنطقة في مطعم عراقي ولبناني ومصري ويمني
أما المحلات الي تبيع البضاعة التقليد ..في وحده قريبه من فندق أماري بوليفارد اسمها اوم تبيع ساعات وشنط تقليد
اتمنى اكون افدتج ..واي استفسار اختج موجوده
اتمنالكم رحلة سعيدة

مشكورين كلكم خاصة الأخت أجواء ما قصرتي و لكن وين البقية وين المراقبين

اختي الكريمه
لاتروحين رحلة النهر في بانكوك لأن موشي وفوق هذا ينزلونج عرض افاعي بايخ
روحي لعرض الافاعي الي برا بانكوك مدة الطريق تقريبا 45 د ولاتطوفين الفلوتنغ ماركت النهر الطافي تركبين قارب وتتسوقين شي عجيب وبعدها روحي عروض التماسيح والفيله

بالنسبه للاسواق
1_في مول اسمه Gهذا كله ماركات اصليه
2_وفيه وورد تريد وهذا برضو مجمع فيه محلين كبيره هم ستايل وهو اغلبه ملابس اطفال حلوه
وزين اغلبه ملابس داخليه نسائيه حلوه
وفيه محلات ثانيه بعد حلوه
3_امبريام سوق اعتبره من افضل الاسواق بضاعته حلوه مره
4_تشاينا تاون او السوق الصيني كله تقليد شنط وملابس وساعات بس السوق مزدحم انتبهي لشنطتك
5_جاك ان جاك سوق شعبي يفتح السبت والاحد اغلبه تقليد
6_mbkسوق كبير ومليان محلات تكبير الصور واسعارها رخيصه مره وفيه محل اسمه طوكيو يبيع ملابس اطفال ماركات ميني مان وتيجوري
7_سوق سنترال وهذا اغلبه جزم الله يكرم كم
8_منطقه اسمها سيام كوير بضاعتها راقيه واغلبها مستورد وهي تقريبا مقابل Mbk
9_سوق جنب الشيراتون ناسيه اسمه بصراحه بس اقل من عادي مانصحك تروحين له لان اغلبه تحف
هاذي اغلب اسواق تايلند غير منطقه العرب فيها محلات البخور ودهن العود ومليانه مطاعم عربيه
وفيه مطعم صاحبه اضن مسلم اسمه انديان هت حلوو
واماكن الترفيه في حديقه الحيوان
حديقه التماسيح
حديقه الفراشات
هذا الي اتذكره بصراحه
وبالنسبه لفوكيت
فيه رحله لجزيره جيمس بوند لاتفوتيها روعه
وسفاري وهي تركبون فيله وحلوه بعد اذا ماكنتي خوافه لاني خفت بصراحه
وبوكيت فانتسي عرض روعه
وجزيره بي بي رحله بحريه
والسوق هناك اسمه بوتن بيتش واغلبه مطاعم بحريه وبضايع تقليد
شنقماي ماعمري رحت لها بصراحه اتمنى اكون افدتك

مشكورين عالموضوع وعالردود المفيدة