هلابك اختي افراح
الله يديم الافراح علينا وعليك
بما انكم بتروحون على الخطوط الاماراتيه زوروا اقرب فرع لعطلات الامارات وهم بيعطونكم البكج المناسب لميزانيتكم
وبيكون اوفر وارخص من انكم تحجزون الخطوط لحالها والمنتجعات من اي مكتب سفر وسياحه
وبعد مايعطونك العروض المناسبه للميزانيه ممكن نساعدك هنا في الاختيار بين المنتجعات ونبين لك ايش افضل العروض

بسبوسه
أمين وياك إن شاءالله
يعطيك العافيه ياقلبي وإن شاءالله بروح أشوف

1. ف اهم شي ان الواحد يعرف افضل شهر للسفر

أفراح
هلا وغلا اختي افراح
المالديف اختيار رائع جدا واتمنى انكم تتوفقون في رحلتكم
1- من 4 الى 5 ليال كفايه وحلو لان بس بحر مافي شي ثاني
انا توني راجعه من المالديف رحت في نص شهر may
2- الوقت اللي بتروحون فيه الجو راح يكون باذن الله حلو لان اللي اعرفه ان جوهم حلو من سبتمبر الى فبراير - مارتش لان احنا الحمدلله صادفتنا عاصفه اخر يوم في الليل قبل لا نسافر بس الموج عكر شوي علينا

ف اهم شي ان الواحد يعرف افضل شهر للسفر

3- نصيحه لاتاخذين غير ال water Vila اللي هي داخل البحر لانها احلى و افضل شي لان اللي على الشاطىء كلها حشرات وبريعصي ( وزغه ) راح تتعبون
4- التذاكر لازم من الحين تتعبين وتدورين و لا ترتبطين في طيران واحد شوفي لك السعر الافضل انا لقيت على القطريه لمن رحت الشخص ب 2500 ريال يعني اسعار المالديف ماظنيت تلاقين اقل هذا افضل سعر ف دوري وشوفي لك الافضل
5- انا بنصحك عن تجربه خاصه منتجع ال هيلتون ايرو فوشي ( وشوفي تقرير الاخت بسبوسه ) ولو ان مابينت الصوره الكامله للهيلتون احلى بكثير بالطبيعه يعني في اشياء كثيره ماتصورت المطاعم اللي هناك حلوه والجلسات وكل شي رايق
6- الميزانيه = انا بقولك اياها بكل صراحه المالديف غاليه غاليه
يعني انا وزوجي حطينا ميزانيه 15 الى 20 الف كلفتنا الرحله 3 ايام 27 الف ريال سعودي
لان راح تلاحظون وانتوا تحجزون ان الميزانيه قاعده تزيد شوي شوي
بس ان شاء الله تكونون اشطر مننا لول
المالديف غاليه بس تسوى والله
7- حطوا في بالكم لمن تجون تختارون المنتجع شوفوا حسب الجزيره اذا كانت بعيده عن مالي لازم تروحون لها بالطائره المائيه وتكلفة التذكره 1000 ريال تقريبا الشخص
واذا كانت الجزيره قريبه بالبوت تروحون وتقريبا 500 الشخص
طبعا هذا كله مع الفندق يتحدد ويندفع
في منتجع هيلتون كونراد سعره حلو اذكر لمن كنا ندور والحلو فيه ان
فيه مطعم Ithaa اللي تحت البحر وسكان الفندق لهم سعر خاص
هذا ايرو فوشي وساعات يسوون عروض 3 ليال والرابعه مجانا
http://www1.hilton.com/en_US/hi/hotel/MLEIRHI-Hilton-Maldives-Iru-Fushi-Resort-Spa/index.do
وهذا كونراد
http://conradhotels1.hilton.com/en/ch/hotels/index.do?ctyhocn=MLEHICI
وهذا موقع حجوزات يمكن يفيدك خذي نظره عليه بس اهم شي تراسلين الفنادق اضمن لك
http://www.hoojoozat.com/default.aspx
واعتذر عن الاطاله واي استفسار انا حاضره .. اتمنى اني افدتك ولو بشي بسيط

راحتي بالسفر
هلا بك أختي راحتي بالسفر أحنا ناوين ناخذ بأذن الله water Vila
لكونها أفضل من توقعي
فكرة طيران قطر مره حلوه 2500 إن شاءالله راح أشوف
يعطيك ألف عافيه ع المعلومات وراح أشوف الفنادق
ربي يوفقك دنيا وأخره ماقصرتي

راحتي بالسفر
أهلين أختي راحتي بالسفر
أحنا ناووين ناخذ بأذن الله water Vila
لكونها بنظري أفضل وأكثر خصوصيه
وبالنسبه للخطوط القطريه بصراحه سعرهم مره حلو 2500
وراح أحرص نحجز عليهم إن شاءالله
يعطيك ألف عافيه ع المعلومات وراح أشوف الفنادق
ربي يوفقك دنيا وأخره

بالتوفيق المالديف غالية بالفعل بس من منتجع لمنتجع ولا تنسي اختي انك رايحة بشهر يكون الوضع غير الصيف حيكون ارخص وحتلاقي بنفس ميزانيتك بس بدون تذاكر واي خدمة بالنسبة للحجز انا حاضر ولك تحياتي

إن شاءالله الله يسمع منك
ماتقصر الله يجزاك خير

الله يوفقكم ويسعدكم ويجمعكم على خير