RIS
27-12-2022 - 04:34 pm
السلام عليكم ورحمة الله وبركاته ..
بإذن الله راح اسافر الى لندن في نهاية سبتمبر وراح اجلس فيها 10 أيام .. مبدئياً قررت السكن في فندق كامبرلاند .. ارتحت له نفسياً من كلام الأعضاء ..
في بالي أماكن كثيرة ودي أزورها لكن ماني عارفة كيف ارتب برنامجي لأن مدري كل مكان كم يبيله وقت ..
أنا حابة أزور متحف الشمع - قصر باكينجهام - عالم كادبوري- ألتون تاورز - الهايد بارك - البيكاديلي - مدينة برايتون - الريجنت بارك - الهارودز وأغلبية الأسواق طبعاً - لندن زوو ( وعندي سؤال هل تختلف لندن زوو عن السفاري بارك والا نفسها ؟؟) - سوق غرينتش - لندن اي - بيق بن - حديقة الفواكة - ملعب لكرة القدم - بستر فيليج ( الاوت لت )
هذا اللي طلع معاي الحين .. وانا خايفة ان 10 ايام ماتكفينا بس للأسف ماعندي اجازة أكثر من كذا ..
ياليت تساعدوني في وضع البرنامج السياحي واذا في اماكن تستحق الزيارة ياليت تقولون لي عنها ..
ولكم خالص الشكر والتقدير ..
انا ابي اقولج عن الاماكن اللي انا زرتها و رايي فيها :
متحف الشمع : عجيب و لازم تشوفونه بس تأكدي انج ماتروحين له في وقت ويك اند لانه زحمه و طوابير خليه على ايام الاسبوع افضل وايد .
قصر باكينجهام : حلوو بس تره ما راح ياخذ كل يومك يعني ممكن تخلينه بس الصبح و عندك العصر روحي مكان ثاني .
الهايد بارك : ماله اي داعي حديقه عاديه اقول روحي الشوبنغ اونسلك
البيكاديلي : ممتعه جدا جدا روحيلها في الليل تونس جوها خيال و عندك متحف بليفت اور نوت ( صدق او لا تصدق ) دخليه في البيكاديلي وايد حلو و تراكاديروا بعد مكان العاب حلو و مطاعم فرايدز و هاردروك و ربعه .. مكان شبابي و حلو انا امره يوميا بليل اذا كنت في لندنبيستر فيلج : تبعد ساعه عن لندن من محطه مارليبون وايد مكان حلو و يحسسك بجو غير جو لندن كله الاوت لت على مستوى .. اذا بتروحين خليها ايام الاسبوع لانه يسكر مبجر الاحد ،، ممكن ياخذ منك نص يوم مع الروحه و الرده اذا رحتي من الصبح .
اذا في مباراة روحي لانها متعه انا رحت مباراة ارسنال و تشيلسي شي حلو ويديد علينا خصوصا احنا البنات ، و ملعب ارسنال الايمارت ستيديو خيالي
الهارودز : واو ماله داعي تشترين مجرد انك تشوفينه متعه ... كبير و شوي يخربط بس لازم لازم تروحين و تتمشين فيه اهوا و الهارفي نكيلز يمه و عندك سيلفرج كلهم يعتبرون مجمعات كبيره لارقى الماركات العالميه
اي سؤال عن الشوبنق سأليني لاني حافظتهم
و اتمنى لك رحله حلوه و سعيده