وعليكم السلام ورحمة الله وبركاته ..
مراحب الغالي ..
شوف طال عمرك ..فندق السليفرج لاصق فيه أشهر مجمع في بريطانيا الي هو مجمع السليفرج ..
يعني اول ماتطلع من الفندق لف يسار وأمش 20 متر بتلاقي باب المجمع على يسارك ..
بالنسبه للبس عليك بالشتوي لأن الجو بارد ..
بالنسبه للاماكن لوا مريت على التقارير المصوره كان لقيت كل الي تبي ..
ودي أكتبها لك ولكني طالع للأسف ..
بأختصار بسيط ..تقدر اتروح متحف الشمع + بيكاديلي + متحف الطبيعه + متحف الاحياء المائيه + كوفنت قاردن + هارودز + شارع سولان + الهايدبارك ( لازم كل يوم اتروح لها ) + شارع أكسفورد + قصر بيكنغهام + مجمع بلووتر + تقدر اتزور برايتون في الصباح وأترد المغرب ..
وأي خدمه احنا في الخدمه

مشكور يالقطري ماقصرت
ان شاء الله اشوفك مره ثاانيه في الصفحه لاني ناويه اتعبك شووي معاي ^___*
أريد أعرف فندق سلفرج اوكي؟ نظييف؟ انا حجزت فيه لانه يقولون انه عائلي وخصوصا اني بكون برووحي في لندن واول مره اسافر لندن وبروحي...
واريد أعرف كيف أدخل النت من هناك؟؟ فيه مكان مناسب..؟؟
:
:
:
قاعده اتصفح التقارير وايد ماشاءاالله احس اني أضيع وياخذ مني وقت طويل لين ما اشوفها ونا سفرتي بعد 3 ايام انشااءالله

هلا بك ....ورحلة موفقة
وماشاء الله اخوي القطري وفى وكفى...
وبخصوص فندق سيلفرجز ما نصحك فيك لان غرفة قديمة جدا وضيقة مرة
وماعندهم واير لس للنت يعني لازم تستخدمين النت تحت في الاستقبال عندهم
وحاله الفندق مو نفس مستوى اسمة وسعرة وموقعة ...
عشان كذا اذا تقدرون تغيرون يكون افضل عندك تستل ماربل ارتش او كمبرلاند
هم في اكسفورد ومواقعهم جدا حلوة ..
وانصحك في شارع الباوند ستريت كلة ماركات وعجيب جدا...وهذا رابط الشارع بكل المحلات اللي فيه الحلوة وكانك تتمشين فيه بتجوالك بالرابط http://www.streetsensation.co.uk/mayfair/obs_east.htm
وكذلك لازم تمري مقاهي جميس ستريت حلوة جدا وخصوصا مقهى عيوش المغربي
وعندك الريجينت ستريت في محل هامليز يجنن للعب الاطفال بس والله يستحق الزيارة
واي استفسار محد راح يقصر عنك ....
وخير مافعلتي بتجوالك في ساحة لندن

tota-21
هلا وغلا أختي ..
وتعبج راحه ..اسألي قد ماتبين وراح اتلاقينا موجودين
بالنسبه للفندق قديم أشوي مثله مثل باقي فنادق لندن باستثناء الكامبرلاند الي امجدد ..
أما عن النظافه فهو نظيف ..
فندق السليفرج متوفر فيه النت ( واير لس ) في كل مكان في الفندق ..
تقدرين أشتوفين صور للفندق من خلال هالوصله فندق السليفرج http://www.frontdesk.co.uk/hotel/england/london/the_selfridge
المميز فيه ان مكانه حلو ..
واي خدمه أحنا في الخدمه ..

خبيرة لندن qatar2007 + القطري
مشكورين والله ماقصروا
يارب تكون رحله حلوه وما اشعر فيها بالملل او الوحده...
بعد ما برجع من لندن بروح قطر لمدة 3 ايام,,, ان شاء الله برجع بتقارير حلوه لندنيه وقطريه ^_^

حياج الله في بلادج الثانيه قطر ..
وتتشرف الدوحه فيج ..
وان شاءالله ماراح تتمللين لأن الأجواء هناك حلوه في لندن ..
وننتظر التقارير بفارغ الصبر:8888:

tota-21
ربي يوفقك ...واسعدني والله انك بتزورين قطر
وبتنور قطر بك وابشري بعزك وان شاء الله نشوفك في قطر
واي استفسار لايردك الا لسانك